आपल्या शरीरात अनेकदा असे काही वेदना होतात, ज्या आपण साध्या समजून दुर्लक्षित करतो. कधी पोटात जडपणा, कधी थकवा तर कधी कमरेत किंवा पोटाच्या मधोमध हलका त्रास जाणवतो. पण तज्ज्ञांच्या म्हणण्यानुसार, अशा लक्षणांकडे दुर्लक्ष केल्यास ते गंभीर आजारांचे संकेत ठरू शकतात.

डॉक्टरांनी सांगितलं की, जर पोटाच्या उजव्या बाजूस सतत वेदना होत असतील तर हा लिव्हर कॅन्सरचा (Liver Cancer) इशारा असू शकतो.

शरीराच्या कोणत्या भागात होते वेदना?

लिव्हर कॅन्सरच्या सुरुवातीला रुग्णाला साधारणतः पोटाच्या उजव्या वरच्या भागात वेदना जाणवतात. या वेदना सतत राहू शकतात किंवा मध्येच वाढू शकतात. काही वेळा हा त्रास पाठीपर्यंत किंवा खांद्यापर्यंत पसरतो.

लिव्हर कॅन्सरची इतर लक्षणं

• सतत थकवा जाणवणं

• विनाकारण वजन कमी होणं

• भूक मंदावणं

• कावीळ (त्वचा व डोळे पिवळसर होणं)

• पोटात सूज किंवा जडपणा

• वारंवार मळमळ किंवा उलटी होणं

कोणत्या कारणांमुळे वाढतो लिव्हर कॅन्सरचा धोका?

• दीर्घकाळ मद्यपान करणं

• हेपेटायटिस B आणि C व्हायरसचा संसर्ग

• फॅटी लिव्हरची समस्या

• लठ्ठपणा आणि असंतुलित आहार

• धूम्रपान व चुकीची जीवनशैली

लिव्हर कॅन्सरपासून कसा बचाव कराल?

• मद्यपान आणि धूम्रपान करणं टाळा

• संतुलित आणि पोषक आहार घ्या

• नियमितपणे लिव्हरची तपासणी करा

• हेपेटायटिस B लस नक्की घ्या

• वजन नियंत्रणात ठेवा व दररोज व्यायाम करा

लिव्हर कॅन्सर हा गंभीर आजार आहे परंतु वेळेत लक्षणं ओळखली तर उपचार शक्य आहेत. जर पोटाच्या उजव्या बाजूस सतत वेदना होत असतील किंवा वर सांगितलेली लक्षणं दिसत असतील, तर ती किरकोळ समजून दुर्लक्षित करू नका. त्वरित डॉक्टरांचा सल्ला घ्या.