Benefits Of Mango Peel : उन्हाळी हंगाम सुरू झाला असून त्यामुळे प्रत्येक घराघरात आंब्याची मागणी वाढू लागली आहे. उष्णकटिबंधीय फळ केवळ चवीनुसारच अप्रतिम नसून आरोग्यदायी फायदे देखील आहेत. उन्हाळ्यात आंबा खाण्याचे अनेक फायदे आहेत, ज्याला आपण उन्हाळ्याचे सुपरफूड देखील म्हणू शकतो.

आंबा हे व्हिटॅमिन ए, सी, के, फोलेट, मॅग्नेशियम, कोलीन, पोटॅशियम यातील अनेक पोषक तत्वांचे पॉवरहाऊस आहे. काही लोकांना आंब्याचा रस पिण्याचे शौकीन असते, तर काहींना तो कापून खायला आवडते. पण त्याची कोय सर्वांनाच आवडत नाही.

आंब्याचे फायदे (Benefits) सर्वांनाच माहित आहेत, परंतु त्याची साल देखील खूप फायदेशीर आहे हे फार कमी लोकांना माहिती आहे. साधारणपणे लोक फळांचा लगदा खाणे आणि साले फेकून देणे पसंत करतात.

तथापि, अनेक अभ्यास आणि आरोग्य (Health) तज्ज्ञांच्या मते, या जगप्रसिद्ध फळाची साल देखील वनस्पती संयुगे, फायबर आणि अँटिऑक्सिडंट्सने भरलेली आहे जी विविध रोगांपासून संरक्षण करू शकते. हे वृद्धत्व देखील कमी करू शकते. आपण आंब्याची कोय आणि सालीचे फायदे जाणून घेऊयात.

आंब्याची साल खाऊ शकतो का?

जेव्हा आपण आंबा खातो तेव्हा आपण विचार करत नाही की त्याची साल देखील काही प्रमाणात फायदेशीर आहे का? बहुतेक लोक लगदा खाल्ल्यानंतर त्याची साल कचऱ्यात फेकतात कारण त्याला गोड चव नसते. पण आंब्याची (Mango) साली शिजवल्यानंतर तुम्ही ती तुमच्या जेवणात घालू शकता.

सालीमध्ये रोगांपासून बचाव करण्याचे गुणधर्म जास्त -

आंब्याचा लगदा अनेक रोगांशी लढण्यास मदत करतो, तर त्याची साल लगदापेक्षा अनेक रोग कमी करण्यास अधिक उपयुक्त आहे. आंब्याच्या सालीमध्ये त्याच्या लगद्यापेक्षा जास्त अँटी-ऑक्सिडंट आणि अँटी-कार्सिनोजेनिक गुणधर्म असतात. आंब्याची साल जीवनसत्त्वे, कॅरोटीनोइड्स, पॉलिफेनॉल्सचा स्रोत आहे

आंब्याची साल अनेक प्रकारच्या कॅन्सरवर उपयुक्त आहे -

तज्ज्ञांच्या मते, फुफ्फुसाचा कर्करोग (Cancer), आतड्याचा कर्करोग, स्तनाचा कर्करोग, मेंदूचा कर्करोग आणि पाठीचा कणा अशा अनेक प्रकारच्या कॅन्सरसाठी अँटी-ऑक्सिडंट गुणधर्माने समृद्ध आंब्याची साल फायदेशीर मानली जाते. मधुमेहाच्या रुग्णांनाही याचा फायदा होतो असे सांगितले जाते.

आंब्याची साल हृदयविकारांपासून वाचवते -

आंब्याच्या सालीमध्ये भरपूर प्रमाणात फायटोन्यूट्रिएंट्स आढळतात. हे तुमच्या हृदयाच्या (Heart) आरोग्यासाठी चांगले आहे आणि हृदयविकाराचा झटका, स्ट्रोक, कार्डियाक अरेस्ट यांसारख्या हृदय व रक्तवाहिन्यासंबंधी समस्या टाळते. आंब्याच्या सालीमध्ये फायबरचे प्रमाण जास्त असल्याने हृदयाच्या समस्या दूर ठेवण्यास मदत होते. हार्वर्ड अभ्यासानुसार, जे लोक फायबर युक्त आहार खातात त्यांना हृदयविकाराचा धोका 40% कमी असतो.

त्वचेची टॅनिंग दूर करण्यासाठी उपयुक्त -

उन्हाळा आणि पावसाळ्यात त्वचेवर टॅनिंगचा त्रास अनेकांना होतो. या समस्येपासून सुटका मिळवण्यासाठी ते आंब्याची साले वापरू शकतात. आंब्याच्या सालींद्वारे टॅनिंग काढण्याचा एक अतिशय सोपा मार्ग आहे. यासाठी तुम्हाला फक्त आंब्याच्या सालीने तुमच्या टॅन झालेल्या त्वचेला हाताने मसाज करायचा आहे. थोडा वेळ चेहरा पाण्याने धुवा. अशाप्रकारे, जर तुम्ही दररोज केले तर तुमची त्वचा चमकू लागेल आणि टॅनिंग दूर होईल.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा