हिंदू धर्मात विविध सण-समारंभ मोठ्या उत्साहात साजरे केले जातात. पितृ पक्ष संपला की अश्विन महिन्याची सुरूवात होते. अश्विन महिन्याच्या सुरूवातील नवरात्रोत्सव असतो हिंदू धर्मात अश्विन नवरात्रीला विशेष महत्व आहे. नवरात्रीच्या 9 दिवसांमध्ये देवीच्या 9 विविध रूपांची पूजा केली जाते.

शारदीय नवरात्र उत्सवाला २२ सप्टेंबरपासून सुरूवात होणार आहे. प्रतिपदा तिथीला घटस्थापनेने नवरात्रीची सुरूवात होते. या दिवशी घटस्थापनेचे दोन शुभ मुहूर्त आहेत. पहिला सकाळी ६:०९ ते ८:०६ पर्यंत आहे. दुसरा अभिजित मुहूर्त आहे जो सकाळी ११:४९ ते दुपारी १२:३८ पर्यंत असतो. या दोन्ही वेळा शुभ आहेत.

घटस्थापनेचे काही नियम आहे ते सविस्तरपणे जाणून घेऊया.

१) घटस्थापनेपूर्वी, देवघर स्वच्छ करा. त्यानंतर कलश स्वच्छ करा .

२) स्वयंपाकघर किंवा शौचालयाजवळ घटस्थापना करू नका.

३) पूजा व धार्मिक विधी दरम्यान तुटलेला कलश स्थापित करू नका.

४) घटस्थापनेच्या दिवशी एकदा कलश स्थापित केलेला मंदिराजवळून हलवू नका.

५) कलशला अशुद्ध हातांनी स्पर्श करू नये.

६) जर तुम्ही देवघरामध्ये घटस्थापना मांडली असेल तर नवरात्रीच्या काळात घर रिकामे ठेवू नका.

७) धार्मिक श्रद्धा आहे की घर रिकामे ठेवल्याने देवी नाराज होऊ शकते.

८) दुर्गा देवीची पूजा करताना कलशाची नियमित पूजा करा.