Music Therapy For Cancer Patients : युनिव्हर्सिटी हॉस्पिटल्स (UH) कॉनर होल हेल्थच्या अलीकडील अभ्यासात असे दिसून आले आहे की संगीत कर्करोग आणि सिकल सेल रोग (SCD) किंवा ड्रुपेनोसाइटोसिस असलेल्या रुग्णांना (Disease) लक्षणीय आराम देऊ शकते.

'संगीत' ही कर्करोग (Cancer) आणि सिकलसेल रोग असलेल्या रुग्णांसाठी एक थेरपी आहे. असे रुग्ण जेव्हा गाणी गुणगुणतात आणि त्यांची आवडती गाणी ऐकतात तेव्हा त्यांची चिंता बर्‍याच अंशी कमी होते. याबाबत केलेल्या एका संशोधनात ही बाब समोर आली आहे.

युनिव्हर्सिटी हॉस्पिटल्स (UH) कॉनर होल हेल्थच्या अलीकडील अभ्यासात असे दिसून आले आहे की संगीत कर्करोग आणि सिकल सेल रोग (SCD) किंवा ड्रुपेनोसाइटोसिस असलेल्या रुग्णांना लक्षणीय आराम देऊ शकते.

जेव्हा शैक्षणिक कर्करोग केंद्रांवर उपचार घेत असलेल्या रुग्णांवर संगीत थेरपीचा प्रयत्न केला गेला तेव्हा त्यांना वेदना आणि चिंता कमी झाल्या. याशिवाय सिकलसेल आजार म्हणजेच SCD असलेल्या रुग्णांवर संगीत चिकित्साही करण्यात आली. हे रुग्णही चिंतामुक्त दिसले.

या संशोधनासाठी, यूएच कॉनर होल हेल्थच्या संगीत थेरपिस्टनी यूएच सीडमन कॅन्सर सेंटरमध्ये १,१५२ रुग्णांना ४,००२ संगीत थेरपी सत्रे दिली. हा अभ्यास 'इंटिग्रेटिव्ह कॅन्सर थेरपीज' या जर्नलमध्ये प्रकाशित झाला आहे.

संगीत थेरपी चिंता कमी करू शकते -

सेनेका ब्लॉक, यूएच कॉनर होल हेल्थ येथील एक्स्प्रेसिव्ह थेरपीजचे लॉरेन रिच-फाईन एन्डोव्ड डायरेक्टर म्हणाले की, सीडमन कॅन्सर सेंटरमध्ये देऊ केलेल्या म्युझिक थेरपीचा कर्करोगाच्या रुग्णांवर आणि त्यांच्या कुटुंबांवर सकारात्मक परिणाम होतो.

म्युझिक थेरपी कर्करोगासारख्या धोकादायक आजाराने ग्रस्त असलेल्या लोकांची चिंता कमी करण्याचे काम करते. त्याच्या कॅन्सरच्या प्रवासात त्याच्यासोबत राहणाऱ्या त्याच्या कुटुंबीयांनाही आराम वाटतो.

दरम्यान, यूएच सीडमन कॅन्सर सेंटरच्या संशोधकांनी संगीत थेरपीची वितरण आणि परिणामकारकता तपासली. त्यांनी वेदना, चिंता आणि थकवा असलेल्या रुग्णांवर संगीत थेरपीच्या परिणामांचा अभ्यास केला.

संशोधकांनी SCD सह चिंताग्रस्त रूग्णांमध्ये संगीत थेरपीच्या परिणामकारकतेची तुलना SCD (HemOnc ग्रुप) वगळता हेमेटोलॉजिक आणि ऑन्कोलॉजिकल स्थिती असलेल्या प्रौढ रूग्णांशी केली.

संगीत चिकित्सकांनी रुग्णांच्या गरजा पूर्ण करण्यासाठी थेट संगीत ऐकणे, संगीत तयार करणे आणि गाणी लिहिणे यासह अनेक गोष्टींचा प्रयत्न केला. हे संशोधन SCD असलेल्या रूग्णांच्या वाढलेल्या लक्षणांच्या ओझ्यावर आणि संगीत थेरपी सत्रांचा त्यांच्या वेदना आणि चिंतांवर होणारा महत्त्वपूर्ण प्रभाव हायलाइट करते.