Why Mother's Day Celebrate : पुसते पाणी डोळ्यांमधले घास भरवते जी... ती आई. आई ही आपल्या प्रत्येकाच्या आयुष्यातल महत्त्वाचं स्थान. आईसाठी सगळेच दिवससारखे असतात परंतु, आई आणि मुलाचे आयुष्य इतकं गुंफलेलं असतं की, कितीही अडचणी आल्या तरी आई प्रत्येक पात्रात स्वत:ला सामावून घेत असते.

मग ते पात्र कोणतही असो शाळेतील शिक्षकाचे, मार्गदर्शकाचे किंवा चांगल्या मित्राचे. यामुळेच आईचा भावनिक आधार मुलाला नेहमी पुढे जाण्यास प्रेरित करतो आणि एक चांगला माणूस बनण्यास मदत करत असतो.

मदर्स डे हा मातांचे कौतुक आणि प्रेम दाखवण्याचा दिवस आहे. आईचा आदर करण्यासाठी मातृदिन साजरा (Celebrate) केला जातो. मदर्स डे साजरा करण्यामागचा उद्देश आईबद्दल आदर आणि प्रेम व्यक्त करणे हा आहे. मातृदिन दरवर्षी मे महिन्याच्या दुसऱ्या रविवारी साजरा केला जातो.

1. कधी आहे मदर्स डे ?

दरवर्षी मदर्स डे हा जगभरात (World) वेगवेगळ्या दिवशी साजरा केला जातो. परंतु, युनायटेड स्टेट्स, भारत, न्यूझीलंड आणि कॅनडासह बहुतेक देशांमध्ये दरवर्षी मे महिन्याच्या दुसऱ्या रविवारी मातृदिन साजरा केला जातो. यावर्षी हा दिवस 14 मे 2023 रोजी आहे. म्हणजेच 14 मे रोजी मदर्स डे साजरा केला जाईल. काही देशात मार्च महिन्यात मदर्स डे साजरा केला जातो.

2. इतिहास (History)

मदर्स डे केव्हापासून साजरा केला जातो याबाबत आजही मतप्रवाह आहे. अनेकांचे असे म्हणणे आहे की, माता आणि मातृत्वाचा सन्मान करण्यासाठी उत्सव प्राचीन ग्रीक आणि रोमन लोकांमध्ये आढळतात. त्यांनी रिया आणि सायबेले या मातृदेवता यांच्या सन्मानार्थ उत्सव आयोजित केला होता. या विचारसरणीमुळे लोक असा दावा करतात की मातृपूजेची प्रथा प्राचीन ग्रीसमधून आली आहे. ज्याने ग्रीक देवतांची आई सायबेलेची पूजा केली आणि मातृदिन साजरा केला. मार्चच्या आसपास आशिया मायनर, तसेच रोममध्ये हा सण मोठ्या उत्साहात साजरा केला जातो.

काही लोकांचा असा विश्वास आहे की अमेरिकेत मदर्स डे साजरा करण्याची सुरुवात 1908 मध्ये अमेरिकन कार्यकर्त्या अ‍ॅना जार्विस यांनी केली होती. अ‍ॅना जार्विसला तिची आई अ‍ॅन रीव्हज जार्विस यांच्याशी विशेष आसक्ती होती. जार्विस त्याच्या आईसोबत राहत होता. त्याने कधी लग्नही केले नाही. तिच्या आईच्या निधनानंतर अ‍ॅना जार्विस यांनी त्यांच्या स्मृतीप्रित्यर्थ एका कार्यक्रमाचे आयोजन केले आणि येथूनच मदर्स डेला सुरुवात झाल्याचे सांगितले जाते.

अण्णा जार्विस या शांतता कार्यकर्त्या होत्या ज्यांनी गृहयुद्धादरम्यान जखमी सैनिकांची काळजी घेण्यासाठी 'मदर्स डे' वर्क क्लबची स्थापना केली. अ‍ॅना जार्विस यांनी आपल्या आईच्या समर्पणाला आणि कुटुंबासाठी आणि देशासाठी केलेल्या बलिदानाला श्रद्धांजली वाहण्याचा हेतू होता. अण्णा जार्विस यांच्या प्रयत्नांमुळे 1914 मध्ये अमेरिकेत मदर्स डेला अधिकृत मान्यता मिळाली. तेव्हापासून दरवर्षी मे महिन्याच्या दुसऱ्या रविवारी जगभरात मातृदिन साजरा केला जातो.