चुकीची जीवनशैली आणि अयोग्य आहार यामुळे अनेक आजार आपल्या मागे लागतात. यामधील एक आजार म्हणजे मधुमेह. मधुमेहाला सायलेंट किलर मानलं जातं. ज्यावेळी तुमच्या शरीरात ब्लड शुगरची मात्रा वाढते आणि इन्सुलिनची पातळी कमी होते, त्यावेळी मधुमेहासारखी गंभीर समस्या होते.

मधुमेह हा अतिशय धोकादायक मानलं जातं याचं कारण म्हणजे या आजाराचा शरीराच्या इतर अवयवांवरही परिणाम होतो. यापूर्वी केवळ प्रौढ व्यक्तींना हा त्रास व्हायचा मात्र आता लहान मुलांमध्येही टाईप १ मधुमेहाचं प्रमाण वाढताना दिसतंय.याशिवाय वयाच्या ४० नंतर देखील लोकांना टाईप २ मधुमेहाचं निदान होऊ लागलंय. वेळीच याच्या लक्षणांकडे पाहणं गरजेचं आहे. मधुमेहाची लक्षणं काय आहेत ती जाणून घेऊया.

तोंड सुकणं आणि तहान लागणं

जर तुमचं तोंड सकाळी कोरडं असेल आणि तुम्हाला खूप तहान लागली असेल, तर हे ब्लड शुगर वाढली असल्याचं कारण असू शकतं. रक्तातील साखरेचं प्रमाण जास्त असल्याने सकाळी घसा कोरडा पडण्याची ससम्या जाणवू शकते.

नजर कमजोर होणं

जर तुम्हाला सकाळी उठल्याबरोबर नजर कमजोर झाल्यासारखं वाटलं तर हे देखील एक लक्षण असू शकतं. तज्ज्ञांच्या म्हणण्यांनुसार, मधुमेहाचा परिणाम तुमच्या डोळ्यांवर होता. अशावेळी नजर कमजोर होण्याची समस्या जाणवू शकते.

सतत थकवा जाणवणं

जर तुम्हाला संपूर्ण रात्र झोप घेऊन देखील अशक्तपणा किंवा सतत झोप येत असेल तर तुम्ही एकदा ब्लड टेस्ट करून घ्या. शरीरात साखरेचा स्तर वाढल्याने थकवा आणि तणाव वाढू लागतो. याचा परिणाम तुमच्या झोपेवर होण्याची शक्यता असते.

हात थरथरणं

ज्यावेळी शुगर लेवल 4 mmol पेक्षा कमी होते, त्यावेळी सतत भूक लागणं किंवा हात थरथरणं अशा प्रकारच्या समस्या जाणवू शकतात.याशिवाय तुम्हाला अधिक प्रमाणात घाम येण्याचाही त्रास होऊ शकतो.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत