महाराष्ट्रासह सर्व ठिकाणी पावसाचे जोरदार आगमन झालेले आहे. पावसाळा जसा आनंदाच्या सरी घेऊन येतो त्यासोबत अनेक आरोग्याच्या समस्याही निर्माण करतो. विशेष म्हणजे पावसाळ्याच्या दिवसात अनेक पोटासंबंधित आजार होऊ शकतात. तज्ज्ञांचे मते पावसाळ्याच्या या दिवसात संसर्ग निर्माण करणारे अनेक बॅक्टेरिया मोठ्या वेगाने पसरतात. त्यामुळे विविध आजारांचा धोका वाढतो.

पावसाळ्यात व्यक्तींचे आजारी पडण्याचे प्रमाण वाढताना दिसून येते. ताप ( fever)येण्यापासून ते पोटदुखीच्या समस्या जाणवत असलेल्या दिसतात. त्यामुळे पावसाळ्याच्या दिवसात अन्नपदार्थ खाताना विशेष काळजी घेण्याचा सल्ला वेळोवेळी डॉक्टर देत असतात. पावसाळ्यात पोटासंबंधित समस्या होऊ नये म्हणून कोणती काळजी घ्यावी ते खाली दिलेल्या प्रमाणे पाहूयात.

बाहेरचे अन्नपदार्थ खाऊ नये

पावसाळा सुरु होताच अनेकांना बाहेरचे चटाकेदार पदार्थ खाण्याची इच्छा होते. मात्र पावसाळ्यात बाहेरचे पदार्थ खाणे टाळावे. जेव्हा बाहेरुन आपण पदार्थ विकत घेतो त्यावेळी ते जास्त वेळ उघडे असते. अशा पदार्थावर बॅक्टेरिया (Bacteria)वाढू लागतात. अशा परिस्थितीत आपण ते पदार्थ खाल्ल्यास त्या पदार्थामुळे पोटासंबंधित मोठी समस्या निर्माण होऊ शकते.

भांडी नीट धुवावी

घरात जेव्हा एखादा पदार्थ(Food) बनवण्यासाठी आपण कोणत्याही भांड्यांचा वापर करतो, तेव्हा ती प्रत्येक भांडी नीट धुवावी. ज्यामुळे भांड्यांमध्ये जर बॅक्टेरिया असेल तर ते निघून जातील आणि तुमचे पोटाच्या आजारापासून रक्षण होईल.

भाज्या आणि फळे धुवून खावीत

बाजारात मिळणाऱ्या भाज्या आणि फळांवर विविध प्रकारच्या रासायनिक औषधांची फवारणी केलेली असते. जर बाहेरुन फळे आणून ती न धुता खाल्ल्यास त्यामुळे पोटासंबंधित आजार होण्याची शक्यता असते.

स्वच्छता

स्वयंपाक करताना किंवा जेवताना तुम्ही हात पूर्णपणे स्वच्छ करावेत. अनेकदा बाकीचे काम (Work)करताना हातावर अनेक बॅक्टेरिया जमा होतात शिवाय तसेच आपण त्या हातानी जेवल्यास तेच बॅक्टेरिया पोटात जातात. मग व्यक्ती आजारी पडण्याची शक्यता असते.

डिस्क्लेमर - सदर लेख फक्त सामान्य माहितीसाठी आहे. अधिक तपशीलांसाठी डॉक्टरांशी संपर्क साधा.