मुंबई : उन्हाळ्यात आंब्याशिवाय इतर कोणत्याही फळांना भाव मिळत नाही परंतु, काही पाणीदार फळांची आपल्या शरीराला आवश्यकता असते. उन्हाळ्यात आपण खाण्यापेक्षा पिण्यावर अधिक भर देतो. (Litchi benefits in Marathi)

हे देखील पहा -

बदलेल्या ऋतूनुसार आपल्याला सतत घाम येऊन तहान लागते. अशावेळी आपण सतत पाणी पित असतो. परंतु, दरवेळी पाणी (Water) प्यावेसे वाटत नाही. उन्हाळ्यात काही थंड पेये पिण्याकडे आपला कल अधिक असतो. आपण उन्हाळ्यात काही वेगवेगळ्या प्रकारची फळे वापरून थंडगार पेय बनवू शकतो. या उन्हाळी फळांपैकी आंबट-गोड फळ (Fruit) लिची. ज्याची चव लहानांपासून मोठ्यांपर्यंत सर्वांनाच आवडते. सहसा, आपण उन्हाळ्यात लिची चवीने खातो परंतु, त्यापासून अनेक भिन्न चवीचे उन्हाळी पेय बनवता येतात. तर आपण अशाच काही लिची समर ड्रिंक्सबद्दल जाणून घेणार आहोत (How to make summer drinks)

लिची-सबजा ड्रिंक

लिची आणि सबजाच्या मदतीने आपण एक उत्तम उन्हाळी पेय बनवू शकतो.

साहित्य-

किसलेल आलं -१ छोटा चमचा

लिंबाचा रस - १ चमचा

लिचीचा रस - १ ग्लास

द्राक्षे - १ कप

सबजा - १ कप

पुदिन्याची पाने, मीठ, बर्फाचे तुकडे आवश्यकतेनुसार

पेय बनवण्याची कृती -

सर्वप्रथम किसलेलं आलं, लिंबाचा रस आणि लिचीचा रस घाला. त्यानंतर त्यात मीठ आणि बर्फाचे तुकडे घालून चांगले एकजीव करा. आता त्यात द्राक्षांचे काही तुकडे आणि सबजा घालून मिक्स करा. नंतर त्यात पुदिन्याची पाने कुस्करून घालून ग्लासमध्ये (Glass) सर्व्ह करा

डिस्क्लेमर: हे पेय फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.

Edited By - Komal Damudre