रात्री घरामध्ये कोण किती जेवणार याचा काही अंदाज नसतो. अनेकदा मुलं मित्र परिवारासह बाहेर काही खातात आणि त्यांना भूक जास्त राहत नाही. त्यामुळे रात्रीचा भात हमखास शिल्लक राहतो. आता तुमच्या घरी देखील रात्रीचा भात काहीवेळा शिल्लक राहत असेल. तर असा भात फेकून देऊ नका. त्याऐवजी या भातापासून काही मस्त आणि टेस्टी रेसिपी बनवा.

फ्राईड राईस

चायनीज कॉर्नवर मिळणारा फ्राईड राईस प्रत्येकाचा फेवरेट असतो. आता तुम्हाला देखील फ्राईड राईस आवडत असेल तर तुमच्यासाठी ही रेसिपी खास आहे. फ्राईड राईस बनवण्यासाठी आधी तेलात जिरे, मोहरी, हळद, मीठ आणि तिखट टाकून घ्या. त्यानंतर मॅगी किंवा चींग्ज चायनीजचा मसाला यात मिक्स करा आणि भात यात परतून घ्या. तयार झाला फ्राईड राईस.

तवा पुलाव

तुम्ही उरलेल्या भाताचा तवा पुलाव सुद्धा बनवू शकता. त्यासाठी आवडीच्या भाज्या आणि पाव भाजी मसाल्याची आवश्यकता आहे. या टीप्सने तुम्ही घरीच टेस्टी तवा पुलाव बनवू शकता.

लेमन राईस

तुम्ही उरलेल्या भाताचा लेमन राईस सुद्धा बनवू शकता. त्यासाठी कढीपत्ता, चण्याची डाळ, काजू आणि मोहरी यांचा तडका द्या. त्यानंतर यावर लिंबाचा रस घ्या. नंतर भात यात परतून घा. तयार झाला लेमन राईस.

भाताचे पॅटीस

तुम्ही उरलेल्या भाताचे पॅटीस सुद्धा बनवू शकता. त्यासाठी भातामध्ये विविध भाज्या आणि मसाले मिक्स करून त्याचे पॅटीस बनवा आणि ते फ्राय करून घ्या. हे पॅटीस तुम्ही सॉस किंवा केचप बरोबर सुद्धा खाऊ शकता.