यंदा १९ ऑगस्ट ला रक्षाबंधन सर्वत्र साजरी करण्यात येणार आहे. विविध गिफ्ट्स, राखी आणि मिठाईने सर्वत्र बाजार पेठा सजलेल्या दिसत आहेत. बहीण भाऊ या सणाची प्रत्येक वर्षी आतुरतेने वाट पाहत असतात. या वर्षीची रक्षाबंधन खास बनवण्यासाठी प्रत्येक बहि‍णींनी आपल्या भावासाठी घरीच सुरेख राखी बनवा.

घरी राखी कशी बनवावी?

रक्षाबंधनला घरात सोप्या पद्धतीने राखी बनवण्यासाठी सर्वप्रथम एक सुताचा दोरा घ्या. त्यानंतर त्यात दोरा ओवून सुईच्या साहाय्याने रंगीबेरंगी किंवा तुमच्या आवडीनुसार त्यात मोती ओवून घ्या. यासाठी तुम्ही पांढऱ्या मोतींचा वापर करा. त्यात मोत्यांची एक डिझाइन बनवा आणि ती फॉलो करा. मध्यभागी राखीचा वर्तुळ सुंदर दिसण्यासाठी त्यात विशेषता सोनेरी मणी लावा आणि छान सजवा. तसेच तुम्ही एका कार्डबोर्डच्या साहाय्याने गोल वर्तुळ कापून त्यावर छान कलाकृती करू शकता. जर तुमचा लहान भाऊ असेल तर तुम्ही त्यावर कार्टूनचे चित्र काढू शकता आणि जर तुमचा भाऊ मोठा असेल तर त्यावर सुंदर छोटा मजकूर किंवा फोटो एडिटिंग करून त्याचा फोटो लावू शकता. अशा पद्धतीने बनवलेली राखी तुमच्या भावाला नक्कीच आवडेल.

राखी बनवताना वेगवेगळ्या आकाराचे आणि रंगाचे मणी वापरा त्यामुळे राखी अजून सुरेख बनेल. शेवटचे टोक आल्यावर आवडत्या मणी ओवून राखीचा दोरा लॉक करून घ्या. घरी राखी बनवताना कधीही दोन दोऱ्यांचा वापर करावा. यामुळ राखी मजबूत होते. अशाप्रकारे फक्त १० मिनिटांत राखी तयार झाली.