मुंबई : निरोगी आयुष्यासाठी आपल्याला पुरेसे खाणे व आवश्यक तितकी झोप महत्त्वाची असते. झोपेला आपल्या जीवनात सगळ्यात मोठे पोषक तत्व मानले जाते.

हे देखील पहा -

आपल्याला प्रत्येकाने पुरेपुर झोप घेणे आवश्यक आहे. परंतु, लहान मुलांना झोपेची गरज अधिक असते. त्यांनी पुरेशी झोप घेतल्यावर त्याची दिवसभरात होणारी चिडचिड कमी होऊ शकते. मुलांची व्यवस्थित रित्या झोप न झाल्यास त्याच्या वाढीवर व आरोग्यावर (Health) नकारात्मक प्रभाव पडतो. ज्यामुळे त्यांना अनेक प्रकारच्या आरोग्याच्या समस्यांना सामोरे जावे लागू शकते. पुरेशी झोप घेतल्यानंतर त्यांना दिवसभरासाठी ऊर्जा प्राप्त होते व त्यांना अनेक नवनवीन गोष्टी शिकण्यास मदत देखील होते.

तज्ज्ञांच्यानुसार प्रत्येकाच्या झोपेची वेळ ही त्याच्या वयानुसार ठरवली जाते. ज्या मुलांचे वय १ वर्षापेक्षा कमी असेल तर त्यांनी दिवसाला किमान १२ ते १६ तासांची झोप घ्यायला हवी. या वयातील मुलांच्या वाढीसाठी ते आवश्यक असते. ज्या मुलांचे वय हे १ ते २ वर्ष असते त्यांना जवळपास ११ ते १४ तासांची झोप आवश्यक आहे. तसेच ३ ते ५ वर्षातील मुले सतत खेळत असतात त्यासाठी त्यांना निदान १० ते १३ तासांची झोप आवश्यक आहे.

६ ते १२ वर्षाच्या मुलांमध्ये मानसिक व शारीरिक कार्यात अधिक व्यस्त असतात. त्याच्यासाठी दिवसाला ९ ते १२ तासांची झोप घेणे आवश्यक आहे. मुलांच्या वाढत्या १३ ते १८ वर्षाच्या मुल किशोरावस्थेत असतात त्यांना ८ ते १० तासांची झोप आवश्यक असते. मुलांनी (Child) बरोबर वेळेत झोप घेतली तर त्यांच्या शारीरिक व मानसिक आरोग्यावर परिणाम होणार नाही. तसेच त्यांची वाढ देखील होईल.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.

Edited By - Komal Damudre