Bharat 5G Phone : रिलायन्स जिओने नुकताच जिओ भारत फोन लॉन्च केला. हा 4G स्मार्टफोन आहे. त्याची किंमत 999 रुपये आहे. फोनची विक्री 7 जुलै 2023 पासून सुरू झाली आहे. हा सर्वात स्वस्त 4G फोन आहे. तसेच, या फोनसोबत जिओने फक्त 123 रुपयांचा नवीन रिचार्ज प्लॅनही उपलब्ध केला आहे.
Jio Bharat 4G फोनची सेल
आजपासून जिओ फोनचा (Phone) सेल सुरू होत आहे. हा फोन रिलायन्स डिजिटल स्टोअर, जिओ रिटेल आउटलेट आणि इतर रिटेल स्टोअरमधून खरेदी केले जाऊ शकतात.
किंमत
Jio Bharat फोनची किंमत 999 रुपये आहे. पण फोनसोबत तुम्हाला 123 रुपयांचा रिचार्ज (Recharge) करावा लागेल. यामुळे फोनची किंमत 1,122 रुपये होईल.
स्पेसिफिकेशन्स
जिओ भारत फोनचे वजन फक्त 71 ग्रॅम आहे. यात एचडी व्हॉईस कॉलिंग, एफएम रेडिओ, 128 जीबी एसडी मेमरी कार्ड यांसारखे फीचर्स आहेत. फोनमध्ये 4.5 सेमी टीएफटी स्क्रीन आहे. फोनच्या मागच्या बाजूस 0.3 मेगापिक्सेल कॅमेरा सेन्सर देण्यात आला आहे. फोनमध्ये 1000mAh बॅटरी आहे. तसेच फोनमध्ये 3.5mm हेडफोन जॅक देण्यात आला आहे. फोनमध्ये JioCinema चे सबस्क्रिप्शन दिले जात आहे. यासोबतच Jio-Saavn चे फ्री सब्सक्रिप्शनही दिले जात आहे. ग्राहक फोनद्वारे Jio-Pay वरून UPI व्यवहार करू शकतील. हा फोन 22 भारतीय भाषांमध्ये वापरता येईल.
Jio Bharat Plan
Jio Bharat V2 चा महिन्याचा प्लान (Plan) देखील सर्वात स्वस्त आहे. यासाठी ग्राहकांना 28 दिवसांची वॅलिडिटी असलेल्या प्लॅनसाठी 123 रुपये द्यावे लागतील. या प्लॅनमध्ये यूजर्सना 14 GB 4G डेटा दिला जाईल.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.