हिवाळा सुरु झाला की, अनेकांना वेध लागतात ते फिरण्याचे. डिसेंबर महिन्यात अनेक सुट्ट्या असल्यामुळे गुलाबी थंडीमध्ये फिरण्याची हौस असते. नवीन वर्षाची सुरुवात आणि जुन्या वर्षाला बाय बाय करण्यासाठी अनेक जण फिरण्याचा प्लान करतात.
नवीन वर्षात (New Year) फिरण्याचा प्लान करण्याचा विचार करत असाल आणि तुम्हाला स्वस्तात मस्त ट्रिप (Trip) करायची असेल तर हा IRCTC चा हा प्लान पाहू शकता. तुम्हाला परदेशात फिरायचे असेल तर अवघ्या २५ हजारात तुम्ही अंदमान निकोबार फिरू शकता.
इंडियन रेल्वे कॅटरिंग अँड टुरिझम कॉर्पोरेशन (IRCTC), भारतीय रेल्वेची उपकंपनी, अंदमान आणि निकोबारला टूर पॅकेजस ऑफर करत आहे. या ठिकाणी तुम्हाला निसर्गसौंदर्यासोबतच समुद्र ठिकाणी देखील फिरता येणार आहे.
1. IRCTC अंदमान टूर पॅकेज
IRCTC तुम्हाला ५ रात्री ६ दिवसांचे टूर पॅकेज देत आहे. IRCTC च्या अधिकृत वेबसाइटनुसार अंदमान-निकोबार हे टूर पॅकेज २३,९०० रुपयांपासून सुरु होत आहे. या टूर पॅकेजमध्ये हॉटेल, वाहतूक आणि खाण्यापिण्याचा खर्चाचा समावेश असणार आहे. यामध्ये विमानाचा खर्च केला जाणार नाही. फ्लाइटची सोय तुम्हाला स्वत: करावी लागेल. हे टूर पॅकेज तुम्हाला कधीही घेता येईल.
2. IRCTC टूर पॅकेज २३,९०० रुपयांपासून सुरु
IRCTC च्या टूर पॅकेजमध्ये हॉटेलसोबत ५ दिवस राहाण्याचा खाण्याचा समावेश असेल. हे टूर पॅकेज २३,९०० रुपयांपासून सुरु होते. तुम्ही एका व्यक्तीसाठी टूर पॅकेज घेतल्यास तुम्हाला ५२,७४० रुपये मोजावे लागतील. जर दोन व्यक्ती प्रवास करत असतील तर ३०,७७५ रुपये मोजावे लागतील. जर तीन व्यक्तींनी टूर पॅकेज घेतले तर त्यांना २७,४५० रुपये द्यावे लागतील. यावर सरकारी कर्मचारी एलटीसीचा लाभ घेऊ शकतात. तुम्हाला याबाबतची संपूर्ण माहिती ही IRCTC च्या अधिकृत वेबसाइटवर मिळेल. तुम्ही हे टूर पॅकेज IRCTC च्या अधिकृत वेबसाइट www.irctctourism.com वर बुक करु शकता.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.