हिंदू धर्मामध्ये प्रत्येक दिवस एका देवाला समर्पित केलेला आहे. यामध्ये सोमवार हा देवांचा देव महादेव यांना समर्पित केला आहे. या दिवशी देवी पार्वती आणि भगवान शिव यांची विशेष पूजा केली जाते. याशिवाय महादेवासाठी उपवासही केला जातो.

असं म्हटलं जातं की, सोमवारी भगवान शिवाची पूजा केल्याने प्रत्येक इच्छा पूर्ण होते. ज्योतिषशास्त्रातही भगवान शिवाचे आशीर्वाद मिळवण्यासाठी काही उपाय सांगितले आहेत. ज्योतिष्य तज्ज्ञांच्या मदतीने हे उपाय करणं तुमच्या भविष्यासाठी फायद्याचं मानलं जातं.

सोमवारच्या दिवशी कोणते उपाय केले पाहिजेत?

गंगाजलाचा अभिषेक

असं म्हटलं जातं की, यामुळे भगवान शिव सर्वात लवकर प्रसन्न होतात. ते पाण्याच्या भांड्यानेही प्रसन्न होतात आणि आपल्या भक्तांना आशीर्वाद देतात. म्हणून, सोमवारी पूजेदरम्यान भगवान शिवांना गंगाजलाचा अभिषेक करा.

शिव रक्षा स्तोत्र

जर तुमच्या जीवनात खूप दुःख आणि संकट असतील तर हा उपाय तुम्ही केला पाहिजे. असं म्हणतात की, सोमवारी शिव रक्षा स्तोत्राचे पठण केल्याने सर्व संकटे दूर होतील. तसेच, जीवनात आनंद परत येईल.

पसंतीचा जोडीदार हवा असल्यास

जर तुम्हाला तुम्हाला मनासारखा जोडीदार हवा असेल तर सोमवारच्या दिवशी एक उपाय तुमच्या फायद्याचा ठरणार आहे. यावेळी सोमवारी योग्य विधींनी भगवान शिवाची पूजा करावी. यावेळी भगवान शिवाला पांढरं चंदन, बेलाची पानं, काळे तीळ, धतुरा, भांग आणि पांढरं फुले अर्पण करा.

इतर उपाय

• जर तुम्हाला शारीरिक किंवा मानसिक समस्या असतील तर सोमवारी गंगाजलात काळे तीळ मिसळा आणि भगवान शिवाचा अभिषेक करा. यावेळी महामृत्युंजयचा पाठ करा.

• जर तुम्हाला आर्थिक समस्या असतील तर सोमवारी भगवान शिवाला उसाचा रस अर्पण करा. यामुळे आर्थिक समस्या दूर होतील आणि आनंद आणि सौभाग्य परत येण्यास मदत होते.

• समाजात तुमची प्रतिष्ठा वाढवायची असेल तर सोमवारी मूठभर तांदूळ आणि थोडी साखर कपड्यात बांधून मंदिरात दान करा.

• जर तुम्हाला नफा होत नसेल किंवा तुमच्या व्यवसायात वाढ होत नसेल, तर काम सुरू करण्यापूर्वी तुम्ही दोन पांढरी फुलं ठेवावीत आणि काम पूर्ण झाल्यानंतर त्यांना नदीत वाहून द्यावं.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)