पचनाची समस्या ही दैनंदिन जीवनातली एक सामान्य वाटणारी समस्या झाली आहे. अचपचानाच्या समस्येला इरिटेबल बोवेल सिंड्रोम असे सुद्धा म्हणतात. बदलत्या लाईफस्टाईलमुळे लोकांना पचनाशी संबंधित समस्या अधिक प्रमाणात जाणवू लागल्या आहेत. कारण चुकीच्या पद्धतीने शिजवलेले किंवा अति मसालेदार, तुपकट अन्न हे पचन बिघडवते आणि गॅस, पोटफुगी, वेदना अशा समस्या निर्माण करते.

काही पदार्थांमध्ये किण्वनक्षम कार्बोहायड्रेट्स असतात. ज्यांना FODMAPs म्हणतात. हे आतड्यांमध्ये पुर्णपणे शोषले जात नाहीत आणि मोठ्या आतड्यात किण्वन होऊन गॅस, पोटफुगी, पेटके यासारख्या समस्या होतात. कांदा, लसूण, सफरचंद, गहू आणि बीन्स यामध्ये हे घटक आढळतात. असे पदार्थ जास्त प्रमाणात खाल्ल्यास पचनाला त्रास होतो.

रोजच्या स्वयंपाकात जास्त तेल, तूप किंवा लोणी वापरणेही आतड्यांसाठी घातक असते. जास्त फॅटी पदार्थ शरीरात हळू पचतात. परिणामी अन्न आतड्यात जास्त वेळ राहते आणि किण्वन प्रक्रियेमुळे गॅस व फुगी वाढते. ज्यांना IBS आहे. त्यांना अशा चरबीयुक्त अन्नामुळे त्रास जास्त होतो. यासाठी वाफेवर शिजवलेले, ग्रिल केलेले किंवा बेक केलेले अन्न खाणे फायदेशीर ठरते. जास्त प्रमाणात खाणे हेदेखील पचनाशी संबंधित समस्या वाढवते.

पोट भरून खाल्ल्याने पचनसंस्थेवर दबाव येतो. गॅस निर्मिती वाढते आणि पोटदुखीची समस्या उद्भवते. यासाठी अन्न कमी प्रमाणात व ठराविक वेळेत खाणे आवश्यक आहे. अनेक जण स्वयंपाक करताना उच्च तापमानाचा वापर करतात. मात्र उच्च तापमानावर शिजवलेल्या अन्नात ग्लायकेशन एंड प्रोडक्ट्स तयार होतात, ज्यामुळे आतड्यांमध्ये जळजळ होऊन IBS रुग्णांची स्थिती अधिक बिघडू शकते. याउलट मंद आचेवर शिजवलेले अन्न पचायला सोपे आणि पौष्टिक असते.