तुमच्या मोबाईलची (Android Mobile) बॅटरी लवकर संपतेय का? तुमच्या मोबाईलचा डेटा गरजेपेक्षा जास्त लवकर संपतोय का? याचं उत्तर हो असेल तर तुम्हाला काळजी करणं गरजेचं आहे. कारण, तुमच्या मोबाईलमध्ये व्हायरस (Virus) किंवा मालवेअर (Malware) असण्याची दाट शक्यता आहे. तुमचा मोबाईल स्लो झाला असेल, गरम होत असेल, वापराविना मोबाईलचा डेटा (Mobile Data) पटकन संपत असेल तर तुमचा मोबाईल हॅक (Hack) झालेला असू शकतो किंवा त्यात व्हायरस अथवा मालवेअर असू शकतो. पण, घाबरु नका. आम्ही यासाठी तुम्हाला सोपा उपाय सांगणार आहोत. चला तर मग पाहुयात... (Do this to remove malware and viruses from Android phones)

हे देखील पहा -

स्टेप १: अन ऑफिशियल अनइन्स्टॉल करा

गुगल डिव्हाईसाठी सर्व अधिकृत ॲप हे केवळ अँड्रॉइड (Android) ॲप स्टोअर (Play Store) मधूनच डाऊनलोड करावेत, इतर ॲप्स स्टोअरमधील ॲप्समध्ये व्हायरस अथवा मालवेअर असण्याची दाट शक्यता असते. त्यामुळे असे अॅप्स त्वरित अन इन्स्टॉल करावेत.

स्टेप २: फॅक्टरी डाटा रिसेट

फॅक्टरी डाटा रिसेट म्हणजे संपुर्ण मोबाईल फॉरमेट करणं. यात मोबाईलच्या इंटरनल मेमरीमध्ये असणारा सगळा डेटा डिलीट होतो, ज्यामुळे फोनमधील व्हायरस आणि मालवेअर्स सुद्धा डिलीट होतात. पण, फॉरमॅट करायच्या अगोदर तुमचा डेटा दुसरीकडे बॅकअप करुन घ्या.

स्टेप ३: सेफ मोड ऑन करा

मोबाईलमध्ये अनेक थर्ड पार्टी आणि लपलेले ॲप्स असू शकतात. सेफ मोड चालू केल्याने हे थर्ड पार्टी ॲप्स डिसेबल म्हणाजे निष्क्रीय होतात ज्यामुळे फोनमधील थर्ड पार्टी ॲप्स व्हेरिफाय करुन ते डिलीट करता येतात.

अशाप्रकारे तुम्हाला तुमच्या अँड्रॉईड स्मार्टफोनमधून व्हायरस आणि मालवेअर हटवता येतील. याशिवाय फोनमधील सर्व ॲप्स सतत अपडेटेड (Mobile Tech News) ठेवा आणि फोनलाही सिक्युरीटी अपडेट येतात तेही सतत अपडेट ठेवा आणि सुरक्षित रहा.

Edited By - Akshay Baisane