Hair Care Tips : हल्ली बाजारात अनेक महगाडे सीरम आपल्याला पाहायला मिळतात. केसांसाठी सीरम टॉनिकसारखे काम करते. तसेच ते बाहेरच्या प्रदूषणापासून केसांचे रक्षण करते. सीरम केसांची चमक वाढवते आणि त्यांना सीलकी लुक देते.

सीरमचा वापर केल्याने तुमचे केस चमकदार आणि निरोगी दिसतात. आजकाल बाजारात अनेक प्रकारचे सीरम उपलब्ध आहेत, जे खूप महाग आहेत. परंतु, कितीही महागडे सीरम वापरले तरी केस फ्रीजी होतात अशावेळी आपण वैतागतो. पण नैसर्गिक गोष्टींचा वापर करुन आपण घरच्या घरी सीरम बनवू शकतो. ज्यामुळे आपल्या केसांना त्याचा फायदा होईल. जाणून घेऊया त्याबद्दल सविस्तर

1. कोरफड

कोरफडमध्ये हायड्रेटिंग गुणधर्म आहेत जे तुमचे केस (Hair) मऊ करण्यास मदत करतात. त्यापासून सीरम बनवण्यासाठी एका भांड्यात 2 चमचे ताजे कोरफडीचे जेल घ्या . त्यात १ चमचा जोजोबा तेल घाला. हे मिश्रण ओल्या केसांवर लावा, सुमारे 30 मिनिटे राहू द्या आणि नंतर कोमट पाण्याने धुवा.

2. एवोकॅडो सीरम

एवोकॅडोमध्ये भरपूर जीवनसत्त्वे (Vitamins) असतात. याच्या सीरममुळे केस जाड आणि मुलायम राहतात. हे सीरम बनवण्यासाठी एका भांड्यात पिकलेला एवोकॅडो मॅश करा आणि त्यात 2 टेबलस्पून ऑलिव्ह ऑईल घाला. ही पेस्ट ओल्या केसांवर लावा. सुमारे 30 मिनिटांनंतर शॅम्पूने केस धुवा. एवोकॅडोमध्ये जीवनसत्त्वे भरपूर असतात, जे केसांना हायड्रेशन आणि मऊपणा देतात.

3. मध आणि योगर्ट सिरम

मध आणि दही (Curd) या दोन्हीमध्ये मॉइश्चरायझिंग गुणधर्म असतात, जे तुमचे केस मऊ आणि पोषित ठेवण्यास मदत करतात. सीरम बनवण्यासाठी एका भांड्यात २ चमचे दही घ्या. त्यात १ चमचा मध घाला. चांगले फेटून झाल्यानंतर हे मिश्रण केसांना लावा. 20-30 मिनिटांनी केस चांगले धुवा.

4. गुलाब पाणी आणि ग्लिसरीन सीरम

गुलाबपाणी आणि ग्लिसरीनमध्ये नैसर्गिक गुणधर्म आढळतात. याचा वापर करून तुम्ही केस मऊ आणि हायड्रेटेड ठेवू शकता. हे सीरम बनवण्यासाठी एका भांड्यात गुलाबजल आणि ग्लिसरीन समान प्रमाणात मिसळा. हे मिश्रण एका स्प्रे बाटलीत टाका आणि तुमच्या ओलसर केसांवर शिंपडा. याचा वापर केल्याने तुमचे केस मऊ होतील.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा