बदलत्या लाइफस्टाइलमुळे आता प्रत्येक घरातल्या एकातरी व्यक्तीला ब्लड प्रेशरचा त्रास असतो. हा आजार खूप शांतपणे शरीरात वाढत जातो. याची लक्षणंही खूप सामान्य असतात. त्यामुळे याचा तुमच्या ह्रदयावर कधी परिणाम होतो, हे कळतंच नाही. मग यावर उपचार सुरु केले जातात. पण फक्त डॉक्टरांनी दिलेली औषधं पुरेशी नसतात. तुम्हाला यासाठी इतर सवयींमध्येही काही महत्वाचे बदल करावे लागतात. पुढे तज्ज्ञांच्या मार्गदर्शनानुसार तुम्ही काही बदल करुन तुमचे BP रेडींग सुधारु शकता आणि हेल्दी लाइफस्टाइल जगू शकता.

तज्ज्ञांच्या मते, सामान्य ब्लड प्रेशर हे 120/80 असायला हवे. पण 130 हा आकडा असेल तर प्री- हायपरटेन्शन मानलं जातं. जेव्हा BP 120/80 पेक्षा जास्त असेल तर रुगाला हाय ब्लड प्रेशरचा त्रास असतो. त्यानुसार तुम्ही तुमच्या आहारात काही बदल करणे गरजेचे आहे.

सगळ्यात आधी तुम्ही खाण्यात बदल करावेत. त्यामध्ये किमान बीपीच्या दिवसांमध्ये हिरव्या पालेभाज्या, ताजी फळं, डाळिंब, आणि डाळींचा समावेश करणं गरजेचं आहे. यात तुम्हाला हवे असलेले फायबर्स, व्हिटॅमिन्स आणि मिनरल्स मिळतात.

तुम्ही नुसतं खाऊन एका जागी बसणं टाळा. दिवसातून किमान अर्धातास चाला. यामध्ये ब्रेक घेऊ नका. मेडीटेशन करा. तुमच्या स्वभावात बदल करा. ताण वाढेल अशा गोष्टी करु नका. श्वासासंबंधीत योगा करा. याने वजन नियंत्रणात राहील आणि ह्रदयावर ताण येणार नाही.

जेवण करताना एक लक्षात ठेवा. सगळ्यात आधी तुम्हाला नुकतीच BPचा त्रास जाणवायला असेल तर काही दिवस मीठ खाणं टाळा. मग जेवणात एकदम थोडंसं मीठ घ्या. एकदम ही सवय लावणं कठीण आहे. पण काही दिवसातच तुम्हाला शरीरात बदल झालेले पाहायला मिळतील.

टीप : वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.