Reasons Behind Constant Cravings saam tv
लाईफस्टाईल

Health Tips : भूक नसतानाही सारखं काहीतरी खावंसं वाटतंय? या क्रेव्हिंग्स मागचं कारण जाणून घ्या

Constant Food Cravings : अनेकदा आपल्याला खरी भूक लागलेली नसते, पण मन आपल्याला काहीतरी खाण्यासाठी प्रवृत्त करते. ही भूक ओळखणं आणि त्यावर नियंत्रण मिळवणं आरोग्यासाठी खूप महत्त्वाचं असतं.

Saam TV News

अनेकदा पोट भरलेले असतानाही काहीतरी खाण्याची इच्छा होते. कधी गोड पदार्थ खावासा वाटतो, तर कधी चिप्स, फरसाण किंवा कुरकुरीत पदार्थ खाण्याची इच्छा होते. काही जणांना तर चॉकलेट खाण्याची इतकी तीव्र इच्छा होते की, ते खाल्ल्याशिवाय चैनच पडत नाही. ही केवळ खाण्याची आवड नसून त्यामागे शारीरिक आणि मानसिक कारणेही असू शकतात.

आहारतज्ज्ञांच्या मते, विशिष्ट पदार्थ खाण्याची वारंवार इच्छा होण्यामागे तणाव, झोपेची कमतरता, रक्तातील साखरेतील चढ-उतार, हार्मोन्समधील बदल किंवा शरीरातील पाण्याची कमतरता अशी अनेक कारणे असू शकतात. त्यामुळे सतत होणाऱ्या फूड क्रेव्हिंगकडे दुर्लक्ष करण्याऐवजी त्यामागचे कारण समजून घेणे महत्त्वाचे आहे.

कोणत्या पदार्थाची क्रेव्हिंग काय सांगते

सतत गोड खाण्याची इच्छा होतेय

जर तुम्हाला वारंवार चॉकलेट, मिठाई, केक किंवा इतर गोड पदार्थ खाण्याची इच्छा होत असेल, तर त्यामागे शरीरातील ऊर्जेची पातळी कमी होणे, रक्तातील साखरेतील चढ-उतार किंवा तणाव ही कारणे असू शकतात. झोप पूर्ण न झाल्यामुळेही गोड पदार्थ खाण्याची इच्छा वाढू शकते. अशावेळी मिठाई किंवा साखरेचे पदार्थ खाण्याऐवजी फळे, खजूर किंवा मर्यादित प्रमाणात डार्क चॉकलेटचा पर्याय निवडता येतो.

सतत खारट पदार्थ खावेसे वाटतात

काही लोकांना चिप्स, फरसाण, नमकीन किंवा खारट पदार्थ खाण्याची वारंवार इच्छा होते. यामागे तणाव, खाण्याच्या सवयी किंवा शरीरातील पाण्याची कमतरता अशी कारणे असू शकतात. मात्र, खारट पदार्थ खाण्याची इच्छा म्हणजे शरीरात सोडियमची कमतरता आहे, असा थेट निष्कर्ष काढू नये. अशावेळी भाजलेले हरभरे, काळे चणे किंवा मर्यादित प्रमाणात सुका मेवा खाणे हा चांगला पर्याय ठरू शकतो.

कुरकुरीत पदार्थ खाण्याची इच्छा होते?

काम करताना, टीव्ही पाहताना किंवा कंटाळा आल्यावर अनेकांना चिप्स, कुरकुरे, बिस्किटे यांसारखे पदार्थ खावेसे वाटतात. अशा वेळी खरोखर भूक लागलेली नसते, तर केवळ चव आणि कुरकुरीतपणामुळे खाण्याची इच्छा होत असते. याऐवजी गाजर, काकडी, सफरचंद, सुका मेवा किंवा भाजलेले बिया खाण्याचा पर्याय निवडता येतो.

रात्री उशिरा काहीतरी खाण्याची इच्छा होते?

रात्री जेवणानंतरही वारंवार काहीतरी खावेसे वाटत असेल, तर दिवसभर पुरेसा आणि संतुलित आहार न घेणे हे एक कारण असू शकते. याशिवाय झोपेचे बिघडलेले वेळापत्रक, तणाव आणि भावनिक कारणांमुळेही रात्री खाण्याची इच्छा वाढू शकते.

फूड क्रेव्हिंग होण्यामागची इतर कारणे कोणती?

शरीराला आवश्यक पोषक घटकांचा अभाव, रक्तातील साखरेच्या पातळीत होणारे चढ-उतार, हार्मोन्समधील बदल, मानसिक तणाव आणि भावनिक अस्वस्थता, अपुरी झोप, शरीरात पाण्याची कमतरता असणे. स्नॅक्स खाताना त्याच्या प्रमाणाकडेही लक्ष देणे गरजेचे आहे. मुख्य जेवणाच्या वेळेवर परिणाम होणार नाही आणि अनावश्यक कॅलरी शरीरात जाणार नाहीत, याची काळजी घ्यावी.

डॉक्टरांचा सल्ला कधी घ्यावा?

एखाद्या विशिष्ट पदार्थाची सतत आणि तीव्र इच्छा होत असेल, तसेच त्यासोबत इतर शारीरिक त्रास जाणवत असतील, तर डॉक्टरांचा सल्ला घेणे आवश्यक आहे. विशेषतः आधीपासून मधुमेह किंवा अन्य दीर्घकालीन आजार असल्यास आहारातील बदल स्वतःहून करू नयेत. तसेच तणाव, चिंता किंवा भावनिक अस्वस्थतेमुळे वारंवार खाण्याची सवय निर्माण झाली असल्यास आरोग्यतज्ज्ञांची मदत घेणे फायदेशीर ठरू शकते.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

EPFO New Rules: आता पीएफ खात्यातून ९० टक्के रक्कम काढू शकता, पण असतील 'या' अटी

भाजपचे प्रदेशाध्यक्ष रवींद्र चव्हाण यांची मोठी कारवाई! बड्या नेत्याचा घेतला तडकाफडकी राजीनामा; राज्याच्या राजकारणात खळबळ

NASA Research : चंद्रावरही होणार बटाट्याची शेती, शास्त्रज्ञांच्या प्रयत्नांना मोठं यश, हा प्रयोग नेमका आहे तरी काय?

Samantha Ruth Prabhu: समांथा रुथ प्रभू वयाच्या ३९ व्या वर्षी झाली आई; अभिनेत्रीच्या घरी गोंडस मुलाचे आगमन

Maharashtra News Live Update: काँग्रेस लागली लोकभेच्या तयारीला

SCROLL FOR NEXT