यंदा ४ ऑगस्टला 'फ्रेंडशिप डे' साजरा केला जाणार आहे. मैत्री हे जगातील सर्वात सुंदर आणि खास नातं आहे. खरा मैत्री मिळणे खूप भाग्याची गोष्ट आहे. प्रत्येकाच्या जीवनात असा एक मित्र नक्की असतो. जो चांगल्या-वाईट प्रसंगात त्यांच्या सोबत उभा राहतो. एका फोनवर सर्व काम सोडून धावत येतो. मैत्री हे रक्तच नातं जरी नसल तरी रक्ताच्या नात्यापेक्षा मोठ आणि खरं असतं. कोणतीही अपेक्षा न करता कायम साथ देणाऱ्या मित्रांना 'फ्रेंडशिप डे' ला 'या' खास भेटवस्तू देऊन तुमचे प्रेम व्यक्त करा.

पुस्तक

तुमच्या मित्राला जर वाचनाची आवड असेल तर, तुम्ही त्यांना आवडत्या लेखकाची आणि त्यांच्या आवडत्या वाचन प्रकारातील छान पुस्तके देऊ शकता. तसेच तुम्ही त्यांना एखाद्या ग्रंथालयाचे सदस्‍यत्‍व घेऊन द्या.

मोबाईल - लॅपटॉप स्टॅण्ड

आजकाल मोबाईल आणि लॅपटॉप शिवाय काम अशक्य झाले आहे. अशात जर तुम्ही तुमच्या मित्रांना मोबाईल - लॅपटॉप स्टॅण्ड दिला तर काम करताना त्यांना देखील आराम मिळेल. प्रत्येक क्षणी तुमची आठवण काढतील.

ज्वेलरी बॉक्स

मुलींकडे असंख्य ज्वेलरी असतात पण ती नीट ठेवायला ज्वेलरी बॉक्स नसतो. तर या फ्रेंडशिप डे ला तुम्ही तुमच्या मैत्रिणीला मोठा ज्वेलरी बॉक्स गिफ्ट करू शकता.

किचेन गिफ्ट

तुमच्या मित्राकडे गाडी असेल किंवा त्याला किचेन गोळा करण्याचा छंद असेल तर तुम्ही वेगवेगळ्या रंगाचे, स्टाइलचे किचेन गिफ्ट करू शकता.

टोट बॅग

तुमच्या मैत्रिणीला छान टोट बॅग गिफ्ट करा. कारण आजकाल हा फॅशन ट्रेंड चालू आहे. टोट बॅग तुम्ही मैत्रिणीच्या आवडीनुसार कस्टमाईज देखील करू शकता.

ब्युटी प्रोडक्ट्स किट

आजकाल मुलगी असो किंवा मुलगा चेहऱ्याचे सौंदर्य टिकवण्यासाठी दोघही ब्युटी प्रोडक्ट्सचा वापर करतात. यामुळे तुम्ही तुमच्या मित्रांना ब्युटी प्रोडक्ट्स किट भेट देऊ शकता.

परफ्यूम

मुंबईसारख्या धावपळीच्या जगात सुगंधी राहणे कोणाला नाही आवडणार. यामुळे तुमच्या मित्रांना छान सुगंधी परफ्यूम गिफ्ट करा. तुमच्या प्रेमाचा सुगंध त्यांच्या सोबत कायम राहील.

फोन कव्हर

२४ तास आपल्या हातात मोबाईल असतो. बाजारात विविध प्रकारचे स्टायलिश फोन कव्हर उपलब्ध असतात. मात्र तुम्ही तुमच्या मित्रांच्या फोटोचे कस्टमाईज फोन कव्हर त्यांना भेट वस्तू म्हणून देऊ शकता.