How To Make Mushroom Corn Masala :

उन्हाळ्याची सुट्टी लागली की, मुले सतत बाहेर खेळत असतात. या काळात मुलांची एनर्जी अधिक जास्त असते. सतत पाणी प्यायल्याने मुलांचे दीर्घकाळ पोट भरलेले राहाते. परंतु, संध्याकाळच्या वेळी त्यांना भूक लागते.

जर तुम्ही देखील संध्याकाळच्या वेळी नाश्ता बनवण्याचा विचार करत असाल तर ही झटपट रेसिपी पाहा. मशरुम आरोग्यासाठी (Health) खूप फायदेशीर (Benefits) आहे. हे खाल्ल्याने आरोग्याला अधिक फायदा होतो. यामध्ये आपण अनेक पदार्थ घालू शकतो. यामध्ये आपण कॉर्न घालून त्याची चव अधिक प्रमाणात वाढवता येईल. मुलांना चटपटीत खायचे असेल तर मशरुम कॉर्न मसाला रेसिपी (Recipes) ट्राय करु शकता.

1. साहित्य

• मशरुम - २ कप

• काजू - २५

• मीठ - चवीनुसार

• कांदे - ६

• टोमॅटो - ८

• लसूण पेस्ट - २ चमचे

• धणे पावडर - ४ चमचे

• फ्रेश क्रीम - ६ चमचे

• तेल - ४ चमचे

• स्वीट कॉर्न - १ कप

• चिरलेली कोथिंबीर - २ चमचे

• आले पेस्ट - २ चमचे

• लाल तिखट - ४ चमचे

2. कृती

• सर्वात आधी मशरुम धुवून स्वच्छ करा. एका मशरुमचे दोन तुकडे करा

• कढईत मध्यम आचेवर तेल गरम करा. कांदा आणि टोमॅटो बारीक चिरुन घेऊन ५ मिनिटे परतून घ्या.

• नंतर त्यात आले-लसूण पेस्ट, मीठ, लाल तिखट आणि धणे पूड घालून चांगले मिक्स करा.

• यामध्ये आता स्वीट कॉर्न आणि मशरुम घाला. काजूची पेस्ट घालून मिक्स करा.

• ८ ते १० मिनिटे किंवा मशरुम शिजेपर्यंत मंद आचेवर राहू द्या.

• वरुन फ्रेश क्रीम आणि कोथिंबीर घालून सर्व्ह करा.