Summer Care For Oily Skin : उन्हाळ्यात तेलकट त्वचा ही अधिकच चिकट होते. अशावेळी कोणते मॉश्चरायझर लावावे हा प्रश्न सर्वांना पडतो. सतत चेहरा धुतल्यामुळे तेल निघून जाईल असे अनेकांना वाटते परंतु, चेहरा कितीही स्वच्छ केला तरी त्वचेला तेल सुटत राहाते.

अशावेळी आपल्याला मॉश्चरायझर लावणे अधिक सोपे वाटते. परंतु, यामुळे आपली त्वचा अधिक तेलकट होऊ शकते का ? हा प्रश्न अनेकांना पडला आहे. मॉइश्चरायझर हा आपल्या स्किन केअर रूटीनचा एक आवश्यक भाग आहे. पण तेलकट त्वचेला खरंच मॉइश्चरायझरची गरज नसते का?

तुम्हाला तुमची त्वचा (skin) मॉइश्चरायझ करणे आवश्यक आहे मग तेलकट त्वचेला मॉइश्चरायझ कसं करायचं? याबाबत सविस्तर जाणून घेऊया.

1. त्वचा तेलकट का असते ?

तेलकट (Oily) त्वचेची समस्या सेबमच्या जास्त उत्पादनामुळे होते. आपल्या त्वचेच्या तेल ग्रंथी, ज्याला सेबेशियस ग्रंथी म्हणतात, जास्त सेबम तयार करू लागतात. सेबम त्वचेच्या थराला हायड्रेट आणि संरक्षित करण्याचे काम करते, परंतु जेव्हा ते जास्त प्रमाणात तयार होते तेव्हा त्वचा तेलकट आणि चिकट दिसते. त्वचेची काळजी न घेतल्याने जास्त सीबम होऊ शकतो. यामुळे तुमची त्वचेतील ओलावा कमी होतो, परंतु मॉइश्चरायझर लावल्यास ती पुन्हा आहे तशी करण्यास मदत होते.

2. तेलकट त्वचेसाठी मॉइश्चरायझर आवश्यक आहे का?

तेल आणि मॉइश्चरायझर या दोन भिन्न गोष्टी आहेत. जर तुम्ही मॉइश्चरायझर लावले नाही तर तुमची त्वचा कोरडी राहील आणि हा कोरडेपणा टाळण्यासाठी त्वचेला जास्त तेल निर्माण होईल. तुमची त्वचा तेलकट असली तरीही तुम्ही चेहऱ्यावर मॉइश्चरायझर लावायला हवे.

3. कोणते मॉइश्चरायझर बेस्ट आहे ?

तेलकट त्वचेसाठी मॉइश्चरायझर निवडणे थोडे त्रासदायक असू शकते. यासाठी आपण योग्य तो मॉइश्चरायझर निवडणे आवश्यक आहे. मॉइश्चरायझर निवडताना त्यात कमी पाणी (Water) असेल असा निवडायला हवा. तसेच यामध्ये अधिक प्रमाणात तेल किंवा पेट्रोलियम नसावे. तर, क्रीम आणि लोशन त्वचेवर जड वाटतात आणि त्वचेत शोषण्याऐवजी ते त्वचेला तेलकट करतात. नॉन-कॉमेडोजेनिक आणि वॉटर-बेस्ड जेल फॉर्म्युलेसह मॉइश्चरायझर्स निवडा जे त्वचेचे छिद्र बंद करणार नाहीत आणि तुमची त्वचा हायड्रेट ठेवतील.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा