Dhanteras 2023:

दिवाळीला सुरूवात झाली आहे. कार्तिक महिन्याच्या कृष्ण पक्षाच्या त्रयोदशीला धनत्रयोदशी साजरी केली जाते. यावर्षी 10 नोव्हेंबरला धनत्रयोदशी साजरी केली जाते. दिवाळीच्या दोन दिवस आधी हा सण साजरा केला जातो. धनत्रयोदशीच्या दिवशी घरात लक्ष्मी नांदते असे म्हणतात. त्यामुळे या दिवशी लक्ष्मी किंवा घरातील कोणत्याही सदस्याचा अपमान होणार नाही याची काळजी घ्या.

घरात पैशाची कमतरता भासू नये यासाठी धनत्रयोदशी साजरी केली जाते. धनत्रयोदशीच्या दिवशी सोने चांदी किंवा नवीन वस्तू खरेदी करतात. या दिवशी नवीन गोष्टी खरेदी करणे शुभ मानले जाते. धनत्रयोदशीच्या दिवशी नवीन गोष्टी खरेदी करतात तशाच काही गोष्टी करायच्या नसतात. त्या गोष्टींची माहिती आम्ही तुम्हाला सांगणार आहोत.

धारदार वस्तू

धनत्रयोदशीच्या दिवशी धारदार वस्तू घेणे टाळावे. चाकू, कात्री या गोष्टी घेऊ नये. या गोष्टी घेणे खरेदी करणे घरासाठी अशुभ असते असं म्हणतात.

स्टील

धनत्रयोदशीच्या दिवशी अनेकजण स्टीलची भांडी खरेदी करतात. परंतु या दिवशी ही भांडी खरेदी करु नये असा सल्ला दिला जातो. स्टीलऐवजी तुम्ही तांबे किंवा कांस्य अशा वस्तू खरेदी करु शकता.

लोखंड

धनत्रयोदशीच्या दिवशी लोखंडाच्या वस्तू घेऊ नये. लोखंडी वस्तू घेणे अशुभ मानले जाते. त्यामुळे संपत्तीचा देव मानणारा कुबेर देव रागावतो असे म्हणतात.

काचेची भांडी

धनत्रयोदशीच्या दिवशी काचेची भांडी खरेदी करणे अशुभ मानले जाते. काचेच्या वस्ती राहुशी संबंधित असतात असे म्हणतात.

अॅल्युमिनियम आणि प्लॅस्टिक प्रोडक्ट्स

धनत्रयोदशीच्या दिवशी अॅल्युमिनियम आणि प्लॅस्टिकच्या वस्तू घेणे टाळावे. त्याशिवाय धातूपासून बनवलेल्या वस्तू खरेदी करा.

रिकामे भांडे

धनत्रयोदशीच्या दिवशी बाजारातून खरेदी केलेली वस्तू रिकामी आणू नये. त्यात कोणत्याही प्रकारचे धान्य टाकून ती वस्तू घरात आणावी. जेणेकरुन घराची भरभराट होईल.