सध्या उन्हाळा सुरू आहे. उन्हामुळे सर्वच व्यक्ती घामाने त्रस्त आहेत. अनेक मुलींना आणि मुलांना देखील उन्हाळ्यामध्ये डोक्यात देखील घाम येतो. त्यामुळे कोंडा होण्याची समस्या वाढते. आजकाल अगदी शाळेत शिक्षण घेणाऱ्या मुला-मुलींच्या केसांत देखील कोंडा होतो. कोंडा झाल्याने डोक्याला प्रचंड खाज येते. त्यामुळे आज कोंड्यापासून सुटका मिळवण्यासाठी काही रामबाण उपाय जाणून घेऊ. (Home Remedies for removal of Dandruff)

खोबरेल तेल आणि लिंबू

केस गळत असतील किंवा केसांशी संबंधित काहीही समस्या असतील तर आपण त्यासाठी केसांत खोबरेल तेल लावतो. मात्र फक्त खोबरेल तेल न लावता त्यामध्ये लिंबाचा रस मिक्स केल्यास फायदा होतो. लिंबाचा रस मिक्स केल्याने स्कॅल्पवरील सर्व कोंडा दूर होतो.

पाणी आणि लिंबू

लिंबू केसातील कोंडा कायमचा काढून टाकतो. त्यासाठी सर्वात आधी तुमच्या रेग्यूलर शॅम्पूने केस धुवून घ्या. त्यानंतर पाणी आणि लिंबाचा रस एकत्र मिक्स करा. हे मिश्रण स्कॅल्पवर घासून घ्या. असे केल्याने केसांमधील कोंडा कमी होतो.

कोरफड आणि लिंबू

कोरफड आणि लिंबाचा रस हे मिश्रण देखील केसांमधील कोंडा दूर करण्यास मदत करते. एका भांड्यात कोरफडमधील गर काढून घ्या त्यात लिंबूरस मिक्स केल्यावर हे मिश्रण साधारण १५ मिनीटे केसांत तसेच ठेवा. त्यानंतर केस पाण्याने स्वच्छ धुवून घ्या.