Car Parking Device : बर्‍याच लोकांना गाडी चालवताना अडचण येत नाही, पण हीच अडचण कार पार्क करताना येते. जर तुम्ही गर्दीच्या रस्त्यावर गाडी पार्क करत असाल तर हे काम आणखी कठीण होऊन बसते.

कार पार्क करणे हे फारसे अवघड काम नाही पण थोडे लक्ष द्यावे लागते. तुम्हालाही कार (Car) पार्क करताना कोणत्याही समस्येचा सामना करावा लागत असेल, तर मार्केटमध्ये अनेक प्रकारचे गॅजेट्स उपलब्ध आहेत, जे तुम्ही तुमच्या कारमध्ये इंस्टॉल करून पार्किंग निट करू शकता.

पार्किंग सेन्सर

आजकाल जवळजवळ प्रत्येक कारमध्ये पार्किंग सेन्सर दिले जातात. काही वर्षांपूर्वी सरकारने कारमध्ये पार्किंग सेन्सर अनिवार्य केले होते. पण जर तुमची कार कमी बजेटची किंवा जास्त जुनी असेल तर तुम्ही त्यात पार्किंग सेन्सर वापरू शकता. पार्किंगच्या वेळी वाहनाच्या पुढे किंवा मागे काहीही आल्यास ड्रायव्हरला अलर्ट पाठवण्यात येते त्यामुळे पार्किंग सुरळीत होते.

मागील पार्किंग कॅमेरा

तुमच्या कारमध्ये मागील पार्किंग कॅमेरा (Camera) नसल्यास, तुम्ही ते आफ्टरमार्केट ऍक्सेसरी म्हणून विकत घेऊ शकता. कार पार्क करताना हे तुम्हाला मदत करेल. हे तुम्हाला कारच्या स्क्रीनवर मागील दृश्य दाखवते. यामुळे तुम्ही आरामात वाहन पार्क करू शकता.

360 डिग्री कॅमेरा

360 डिग्री कॅमेरा कारला आणखी प्रीमियम बनवतो. हे सध्या फक्त महागड्या कारमध्येच उपलब्ध आहे. जर तुम्ही पार्किंगमध्ये (Parking) तज्ज्ञ नसाल आणि तुम्हाला माहिती नसेल तर तुम्ही तुमच्या कारमध्ये 360 डिग्री कॅमेरा बसवावा.

360-डिग्री कॅमेरा सेटअपमध्ये एक फ्रंट कॅमेरा, एक मागील कॅमेरा आणि कारच्या उजव्या आणि डाव्या बाजूला प्रत्येकी एक कॅमेरा असतो. यामुळे पार्किंगच्यावेळी सर्व ठिकाणी पाहायला मिळते.