How To Protect Car From Rats:

मान्सून पाऊस घेऊन येतो पण त्यासोबत अनेक समस्या येतात. पावसाळ्यात वाहन चालवताना त्रास होतोच पण वाहनाच्या आतही समस्या असते. त्याबद्दल आपण सविस्तर जाणून घेऊयात.

पावसाळ्यात उंदीर कारमध्ये येतात , त्यानंतर वाहनधारकांना अनेक समस्यांना सामोरे जावे लागू शकते. उंदीर कारचे (Car) वायरिंग कापतात आणि इतर भागांचेही नुकसान करतात. जर तुम्हालाही तुमच्या कारमध्ये उंदिर येऊ नये असे वाटते, तर त्याच्याशी संबंधित काही टिप्स आज आपण पाहूयात, ज्या जाणून घेऊन तुम्ही तुमची कार उंदरांपासून वाचवू शकता.

पाणी साचल्याने उंदीर वाहनांच्या आत शिरतात

पावसाळ्यात जेव्हा पाऊस (Rain) पडतो तेव्हा सर्वत्र पाणी साचते, त्यामुळे उंदीर आपला जीव वाचवण्यासाठी गाडीच्या आत घुसतात आणि तिथे स्वतःसाठी निवारा शोधण्याचा प्रयत्न करतात.

कारमध्ये खाद्यपदार्थ ठेवू नका

कोणत्याही ऋतूत कारमध्ये खाण्यापिण्याचे पदार्थ ठेवू नका, यामुळे उंदीर कारमध्ये येतात. तुमच्या कारमध्ये जे काही खाण्यापिण्याचे असेल ते काढून टाका जेणेकरून उंदीर तुमच्या कारमध्ये येऊ शकणार नाहीत.

अंधारात कार पार्क करू नका

उंदीर (Rats) नेहमी अंधारच्या ठिकाणी आत शिरतात. कारण त्यांना अंधार हा खूप आवडत असतो. पावसाळ्यात त्यांच्या बिलात पाणी भरल्यामुळे ते गाडीच्या आत जातात.

रॅट रिपेलेंट स्प्रे

तुमच्या गाडीत उंदीर येऊ नयेत असे तुम्हाला वाटत असेल तर तुम्ही हे स्प्रे ऑनलाइन वेबसाइटवरून मागवावे. याच्या मदतीने तुम्ही उंदरांना आत येण्यापासून रोखू शकता. मात्र हा स्प्रे लहान मुले आणि वृद्धांपासून दूर ठेवा.