Brain Health Tips :

शरीरातील सगळ्यात महत्त्वाचा अवयव मेंदू मानला जातो. जो आपल्या संपूर्ण शरीराला कंट्रोल करतो. तसेच कोणतेही काम करण्यासाठी शरीराला संकेत देतो. यासाठी मेंदूची काळजी घेणे गरजेचे असते.

बदलेली जीवनशैली, खाण्यापिण्याच्या सवयी आणि वाढत्या कामाच्या ताणामुळे आपल्या मेंदूची चालना कमी होते. सततच्या कामामुळे शारीरिक आणि मानसिक आराम मिळत नाही. सध्या ही समस्या तरुणांमध्ये अधिक प्रमाणात पाहायला मिळत आहे. चिंता आणि तणावामुळे अनेक समस्या उद्भवतात. त्यासाठी नियमितपणे काही गोष्टी करायला हव्या ज्यामुळे थकवा कमी होईल. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

1. ध्यान

आपल्या मेंदूच्या आरोग्यासाठी ध्यान करणे फायदेशीर ठरेल. यामुळे तुमच्या मनाला आराम मिळेल. तसेच तणाव कमी झाल्यास कामात देखील लक्ष लागते. याशिवाय ध्यानामुळे चिंता, नैराश्य कमी होते. यासाठी नियमितपणे १५ मिनिटे ध्यान करण्याचा प्रयत्न करा.

2. पुरेशी झोप घ्या

झोपेच्या कमतरतेमुळे मेंदूची सर्तकता कमी होते. त्यामुळे तणाव वाढून मेंदू जलद गतीने काम करु शकत नाही. याशिवाय झोपेच्या कमतरतेमुळेही अनेक आजार (Disease) होऊ शकतात. म्हणून दररोज ७ ते ८ तासांची झोप घ्या.

3. निरोगी आहार

आहाराचा तुमच्या मेंदूवरही परिणाम होतो. प्रक्रिया केलेले खाद्यपदार्थ तुमची स्मरणशक्ती कमकुवत करतात. त्यामुळे मेंदूची सर्तकताही कमी होते. त्यामुळे मेंदू तल्लख होईल. त्यासाठी आहारात हिरव्या भाज्या, फळे, सुका मेवा या पदार्थांना (Food) आहाराचा भाग बनवा.

4. व्यायाम करा

निरोगी राहाण्यासाठी व्यायाम करणे गरजेचे आहे. व्यायाम केल्याने शरीराला चालना मिळते. ज्यामुळे तणाव (Stress) कमी होऊन मूड सुधारतो. तसेच मेंदू देखील चांगले काम करतो. यासाठी दररोज ३० मिनिटे व्यायाम करा.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.