आपण प्रत्येकजण वीकेंडची वाट पाहत असतो. रोजच्या कामाच्या व्यापातून एक दिवस आराम आणि मूड फ्रेश करण्यासाठी प्रत्येकाला हवा असतो. या दिवशी आपली आवडती कामे करून संपूर्ण दिवस आपल्या कुटुंबासोबत आणि मित्रमंडळींसोबत घालवला जातो.

तुम्हाला फिरण्याची आवड असल्यास सुट्टीत कुठे तरी जवळ फिरायचे असल्यास कुर्लाला आवर्जून भेट द्या आणि तेथील या सुंदर ठिकाणांना भेट द्या. तुमची सुट्टी नक्कीच आनंदात जाईल. कुर्ला हे ठिकाण भारतातील पूर्व मुंबईचे उपनगर आहे. तुम्ही मध्य रेल्वेने कुर्ला ( Kurla ) स्टेशनला उतरा आणि या मनोरंजक ठिकाणांना भेट द्या.

स्नो वर्ल्ड

स्नो वर्ल्ड हे स्नोवर आधारित थीम पार्क आहे. तुम्ही येथे तुमच्या मुलांसोबत आणि कुटुंबांसोबत धमाल मस्ती करू शकता. येथे लहान मुलांतचे छान मनोरंजन होते. थंड वातावरणात बर्फात खेळताना खूप मजा येते. फिनिक्स मार्केटसिटी कुर्ला येथील स्नो वर्ल्ड मुंबईतील सर्वात बेस्ट स्नो वर्ल्डचे ठिकाण आहे. येथे तुम्ही अनेक साहसी उपक्रम करू शकता. रोजच्या धकाधकीच्या जीवनातून थोडा वेळ विरंगुळा करण्यासाठी हे उत्तम ठिकाण आहे. येथे गेल्यावर तुम्हाला पुन्हा लहान होता येते.

जिओ वर्ल्ड सेंटर

जिओ वर्ल्ड सेंटर हे मुंबईतील व्यवसायिक आणि सांस्कृतिक केंद्र आहे. येथे अनेक कार्यक्रमाचे नियोजन होते. भारतातील अनेक मोठे सेलिब्रिटी, बिझनेसमॅन येथे पाहायला मिळतात. जिओ वर्ल्ड सेंटरची रचना आणि डिझाइन डोळ्यांचे पारणे फेडणार आहे.

मुंबई/बॉम्बे एक्झिबिशन सेंटर

मुंबई एक्झिबिशन सेंटर 1991 मध्ये बनवण्यात आले. हे भारतातील सर्वात मोठे एक्झिबिशन सेंटर आहे. गोरेगावच्या वेस्टर्न एक्स्प्रेस हायवे येथे बॉम्बे एक्झिबिशन सेंटर आहे. कुर्ल्यातून हे जवळ आहे. येथे मोठी प्रदर्शने आणि मेळ्यांचे आयोजन करण्यात येते.

राजमाता अहिल्याबाई होळकर गार्डन

कुर्ल्यात पश्चिमेला राजमाता अहिल्याबाई होळकर गार्डन आहे. हे मुंबईतील सर्वात आकर्षक ठिकाण आहे. उद्यानाच्या निसर्गरम्य पायवाटेवरून फेरफटका मारताना मनः शांती मिळते. येथे सर्वत्र हिरवळ पाहायला मिळते. तसेच रंगीबेरंगी फुलांनी बाग सजलेली आहे. येथे तुम्ही प्रियजनांसोबत वन डे पिकनिक प्लान करू शकता.

फिनिक्स मार्केटसिटी

फिनिक्स मार्केटसिटी ही कुर्ला येथे आहे. येथे देशी आणि विदेशी ब्रँड्सचे अनेक स्टोअर्स पाहायला मिळतात.