लग्न म्हटलं की, प्रत्येकाला ते खास किंवा नव काही तरी करण्याची हौस असते. आपल्या आयुष्यातील खास व महत्त्वाचा हा दिवस असतो. त्यासाठी आपण त्यावेळी काही युनिक व आठवणतील राहिल अशा गोष्टी करण्याचा प्रत्येक जोडीदाराचा (Partner) प्लान असतो.

सध्या हिवाळ्याचा हंगामात बीच वेडिंग डेस्टिनेशनची योजना सगळेच आखत असतात पण कोणते चांगले असेल याची कल्पना बऱ्यापैकी लोकांना नसते. ही ठिकाणे समुद्रकिनारी विवाहसोहळ्यासाठी योग्य आहेत. चला जाणून घेऊया लग्नासाठी (Wedding) तुम्ही कोणती ठिकाणे निवडू शकता.

डेस्टिनेशन वेडिंगचा सध्या खूप ट्रेंड आहे. लोकांना त्यांच्या आवडीच्या ठिकाणी लग्न करायला आवडते. जर तुम्हाला बीचवर लग्न करायचे असेल तर येथे काही ठिकाणे आहेत.

गोवा हे अतिशय सुंदर ठिकाण आहे. हे ठिकाण समुद्रकिनारी लग्नासाठी योग्य आहे. जर तुम्ही हिवाळ्यात लग्नासाठी बीच डेस्टिनेशन शोधत असाल तर हे एक उत्तम ठिकाण आहे. तुम्ही वेडिंग प्लानरच्या माध्यमातून लग्नाची योजना देखील करू शकता.

तुम्ही अंदमान आणि निकोबारमध्ये लग्नाची योजना देखील करू शकता. हनिमूनसाठी हे ठिकाण आवडते ठिकाण आहे. समुद्रकिनाऱ्यावरील खजुराची झाडे आणि आल्हाददायक हवामान तुमचे लग्न संस्मरणीय बनवेल.

केरळ बीच वेडिंगसाठी तुम्ही केरळचे अलेप्पी किंवा कोवलम देखील निवडू शकता. समुद्राजवळील शांत बॅकवॉटर आणि पामची झाडे तुमचे लग्न आणखी सुंदर बनवतील.

ऑरोविल बीच हा पुद्दुचेरीमधील अतिशय प्रसिद्ध बीच आहे. लग्नासाठीही तुम्ही ही जागा निवडू शकता. समुद्र किनाऱ्याची सुंदर दृश्ये तुमच्या लग्नाची शोभा वाढवतील.