देशातील प्रत्येक नागरीकाला उत्तम आरोग्य सुविधा उपलब्ध करून देण्यासाठी केंद्रातील मोदी सरकारने प्रधानमंत्री जन-आरोग्य योजना म्हणजेच आयुष्मान भारत योजना सुरू केली आहे. ही जगातील सर्वात मोठी आरोग्य योजना आहे, ज्याद्वारे कोट्यवधी अल्प उत्पन्न गट आणि मध्यमवर्गीय लोकांना 5 लाख रुपयांपर्यंत मोफत उपचाराचा लाभ मिळत आहे.
केंद्रातील मोदी सरकारने 23 सप्टेंबर 2018 रोजी ही योजना (Scheme) सुरू केली. तुम्हालाही या योजनेचा लाभ घ्यायचा असेल तर या आयुष्मान कार्डसाठी अर्ज केल्यानंतर तर ते घरबसल्या डाउनलोड करू शकता. चला तर मग जाणून घेऊयात सोपी पद्धत.
सर्व प्रथम PMJAY च्या अधिकृत वेबसाइट (Website) https://pmjay.gov.in/ वर जा . होमपेजवर 'Am I Eligible' हा पर्याय पाहा. तुम्हाला हे फक्त वरच्या मेनूमध्ये दिसेल. त्याच्या आधी एक प्रश्नचिन्ह (?) चिन्ह देखील आहे, त्यावर क्लिक करा.
तुम्ही क्लिक करताच तुमच्या समोर लॉगिन पेज उघडेल. यामध्ये तुम्हाला तुमचा मोबाईल नंबर टाकावा लागेल. जवळपास लिहिलेला कॅप्चा कोड टाकून OTP जनरेट करा.
तुमच्या मोबाईलवर येणारा OTP पाहा आणि तो विहित फील्डमध्ये टाका. मोबाइल OTP टाकल्यानंतर, तुम्हाला राज्य निवडावे लागेल. तुम्ही राहता ते राज्य निवडा.
राज्य निवडल्यानंतर, तुम्हाला श्रेणी निवडावी लागेल. आपण ज्या श्रेणीद्वारे आपले नाव तपासू इच्छिता ती श्रेणी निवडा. काही राज्ये फक्त रेशनकार्ड क्रमांकावरून तपासण्याची सुविधा देतात, तर काही राज्ये नाव किंवा कुटुंब क्रमांकाद्वारे यादी तपासण्याची सुविधा देतात. तर काही राज्यांमध्ये मोबाईल नंबर, रेशन कार्ड आणि तुमचे नाव शोधण्याचे पर्याय आहेत. तुम्ही तुमच्या राज्यात दिलेल्या पर्यायांपैकी कोणताही एक पर्याय निवडा.
सर्च केल्यानंतर, तुम्हाला कळेल की तुम्ही या योजनेचा लाभ घेण्यास पात्र आहात की नाही. जर तुमचे नाव आयुष्मान भारत योजनेच्या यादीत समाविष्ट नसेल, तर सर्च रिझल्ट बॉक्समध्ये No Result Found असे लिहिले जाईल.
जर तुम्ही आयुष्मान योजनेसाठी अर्ज (Apply) केला असेल आणि आता तुम्हाला तुमचे कार्ड हवे आहे. त्यामुळे अशा परिस्थितीत तुम्ही ते घरबसल्या डाउनलोड करू शकता, त्यासाठी तुम्हाला त्याच्या अधिकृत लिंक https://pmjay.gov.in/ वर जावे लागेल.
त्यानंतर तुम्हाला लॉगिन करावे लागेल, ज्यासाठी तुम्हाला तुमचा ईमेल आयडी आणि पासवर्ड टाकावा लागेल. यानंतर तुमच्यासमोर एक नवीन पेज उघडेल.
आता तुम्हाला तुमचा 12 अंकी आधार क्रमांक इथे टाकावा लागेल. त्यानंतर तुम्हाला तुमच्या अंगठ्याचे ठसे पडताळावे लागतील आणि त्यानंतर 'Approved Beneficiary' या पर्यायावर क्लिक करावे लागेल.
यानंतर तुम्हाला मंजूर गोल्डन कार्ड्सची यादी दिसेल. येथे तुम्हाला तुमचे नाव शोधावे लागेल आणि 'Confirm Print' या पर्यायावर क्लिक करावे लागेल.
त्यानंतर तुम्हाला CSC Wallet दिसेल, जिथे तुम्हाला तुमचा पासवर्ड टाकावा लागेल. आता पिन टाका आणि होम पेजवर या आणि त्यानंतर तुम्हाला उमेदवाराच्या नावाने कार्ड डाउनलोड करण्याचा पर्याय दिसेल. तुम्ही तुमचे आयुष्मान कार्ड येथून डाउनलोड करू शकता.
आयुष्मान भारत योजना ही पीएम जन आरोग्य योजना म्हणूनही ओळखली जाते. यामध्ये 5 लाख रुपयांपर्यंत मोफत उपचार सुविधा उपलब्ध आहे. औषधांचा, उपचाराचा खर्च सरकार देते. या योजनेसाठी पात्र लोकांसाठी आयुष्मान कार्ड बनवले आहे. यानंतर कार्डधारकास सूचीबद्ध रुग्णालयांमध्ये मोफत उपचार मिळू शकतात.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.