Upvasacha Padarth : आषाढी एकादशी म्हटलं की, अनेकांच्या घरी व्रत करण्याची तयारी एक ते दोन दिवसांपूर्वीपासूनच सुरु होते. या दिवशी अनेक वारकरी आपल्या विठूरायाच्या दर्शनासाठी पंढरपूरला जातात. तर काही लोक उपवास देखील करतात.

उपवासाच्या दिवशी हमखास बनवली जाते ती साबुदाण्याची खिचडी. काही लोकांना ही खिचडी खाऊन खाऊन अक्षरक्ष: नाकी नऊ येतात. यामुळे अनेकांना अपचनाचा त्रासही होतो पण आज आम्ही तुम्हाला अशी एक सोपी रेसिपी सांगणार आहोत ज्याची चव चाखताच तुमच्या तोंडाला पाणी सुटेल. पाहूयात साबुदाण्याचे लाडू कसे बनवावेत.

1. साहित्य

साबुदाणा - १ कप

किसलेला ओला नारळ - १ कप

साखर (Sugar) - १ कप

तूप (Ghee) - १ कप

छोटी वेलची - ४

काजू- १ मोठा चमचा

बदाम (Almond) - १ मोठा चमचा

2. कृती

• साबुदाण्याचे लाडू बनवण्यासाठी सर्वप्रथम पॅन घ्या. त्यामध्ये साबुदाणा घालून मंद आचेवर कोरडा भाजून घ्या

• साबुदाणा हलका सोनेरी रंगाचा होऊन कुरकुरीत दिसू लागल्यास गॅस बंद करा. थंड होण्यास ठेवा.

• थंड झालेल्या साबुदाण्याला मिक्सरमध्ये वाटून त्याची बारीक अशी पावडर करुन घ्या

• आता एका पातेल्यात किसलेले खोबरे भाजून घ्या. खोबरे हलके सोनेरी झाल्यावर त्यात साबुदाणा पावडर, साखर घालून गॅस बंद करा.

• आता एका छोट्या कढईत तूप टाकून गरम करा. तूप गरम झाल्यावर त्यात चिरलेले काजू घाला.

• 1-2 मिनिटे भाजल्यानंतर साबुदाण्याचे मिश्रण पॅनमध्ये घाला. यानंतर वेलची पूड घाला आणि मिश्रण चांगले मिसळा. मिश्रण थोडे गरम झाल्यावर लाडू बनवा.

• लाडू थंड झाल्यावर हवाबंद डब्यात साठवा आणि हा उपवासाच्या लाडवाची चव कधीही चाखता येईल.