Upvasache Chat : अवघ्या काही दिवसातच आषाढी एकादशी येत आहे. घरातील बहुतेक जणांच्या या दिवशी उपवास असणार. काहीच्या घरी तर आजपासूनच याची उपवासाला कोणते पदार्थ बनवायचे याची सुरुवात झाली असेलच.

अनेकांना फास्ट फूड खाण्याची सवय असते. उपवासाच्या दिवशी तेच तेच पदार्थ खाण्याचा अनेकांना कंटाळा येतो. या दिवशी आपण आपला आहारात कसा ठेवायला हवा ? आपल्या थाळीत कोणते उपवासाचे आरोग्यदायी पदार्थ असायला हवे ते पाहूया.

उपवासाच्या (Fast) दिवशी कोणता पदार्थ बनवायचा यांची चिंता महिला वर्गाला अधिक असते. परंतु, आज आम्ही तुम्हाला असा पदार्थ सांगणार आहोत की, जो पटकन बनेल व तुम्हाला आवडेल देखील. पाहूयात उपवासाच्या चाटची रेसिपी (Recipe).

1. साहित्य -

• शिंगाडा पीठ - १ वाटी

• शिंगाड्याची शेव - १ वाटी

• उकडलेल्या बटाट्याचा किस - १ वाटी

• चिरलेली हिरवी मिरची - ३

• मीठ

• पाणी

• तूप - २ चमचे

• भिजवलेला साबुदाणा- 1/2 वाटी

• साखर (Sugar)

• कोथिंबीर

• ओले खोबरे-1/2 वाटी

• काजू-बदाम- पाव वाटी

• दही- २ चमचे

• शेंगदाण्याचा कूट

• चाट मसाला

2. कृती -

• सर्वप्रथम कढई ठेवून तूप घालावे. त्यात साबुदाणा घालून चांगला परतवा.

• त्यानंतर मीठ, साखर व हिरव्या मिरचीचे तुकडे घालून गॅसवर परतवा व वरुन कोथिंबीर घालावी.

• त्यानंतर शिंगाड्याची शेव, त्यावर उकडलेल्या बटाट्याचा कीस, दाण्याचे कूट, चिमूटभर मीठ, तयार साबुदाणा, ओले खोबरे, काजू, बेदाणे, 2 चमचे दही घालावे. वरून कोथिंबीर व चाट मसाला भुरभुरून उपवासाचे चॅट सर्व्ह करावे.