सौंदर्य मिळवण्यासाठी तरुणाई कोणत्या थराला जाईल, याचा काही नेम नाहीये. चेहऱ्यावरील डाग लपवण्यासाठी आणि गोरं दिसण्याच्या मोहापायी एका डॉक्टरचा जीव गेल्याचा संशय व्यक्त केला जातोय. आदित्य रावतेनं नाशिक येथून BAMS पदवी पूर्ण केली होती. त्यानंतर अमरावतीतील एका नामांकित रुग्णालयात इंटर्न डॉक्टर म्हणून आदित्य कार्यरत होता. नेहमीप्रमाणे रात्री कुटुंबासोबत जेवण केल्यानंतर आपल्या खोलीत झोपण्यासाठी गेला. मात्र, दुसऱ्या दिवशी सकाळी बराच वेळ झाला तरी आदित्य खोलीबाहेर आला नाही. कुटुंबीयांनी दरवाजा उघडला त्यावेळी आदित्य मृतावस्थेत आढळून आला.

मात्र तो गोरं होण्यासाठी इंजेक्शन आणि औषध घेत असल्याची धक्कादायक माहिती आदित्यच्या आई-वडिलांनी दिलीय.

गोरं होणं डॉक्टरच्या जीवावर बेतलं?

गोरं होण्यासाठी 2-3 महिन्यांतून एकदा इंजेक्शन घ्यायचा

सुरूवातीला चांगला रिजल्ट आला होता

सलाईनमधून घेतलेल्या इंजेक्शनचा ओव्हरडोस झाल्यानं साईट इफेक्ट

ओव्हरडोसमुळे हिरवं-निळं शरीर पडलं, दातखीळ बसली

तरुण शरीर सौष्ठवासाठी सर्रास नको ते सप्लिमेंटस घेत असतात. त्यामुळे अनेकदा तरुणांचे जीव गेल्याच्या अनेक घटना समोर आल्या आहेत. आता गोरं होण्याच्या नादात जीव गमावल्याची घटना समोर आलीय. शवविच्छेदनानंतर आदित्यच्या मृत्यूचं कारण स्पष्ट होईलच. मात्र स्वत: डॉक्टर असलेला तरुणही अशा घातक उपायांच्या मागे धावत असतील तर ही अधिक चिंतेची बाब आहे. त्यामुळे तुम्हीदेखील झटपट सौंदर्याचा हव्यास असेल तर आता सावध व्हा... आणि डॉक्टरांच्या सल्ल्याशिवाय कोणतेही उपाय करू नका.