आवळा हे एक सुपरफूड आहे. त्यामध्ये अनेक औषधी गुणधर्म असतात. आपल्याला कधीतरी काही आबंट खायचा चव आली की, घरात आपण आवळे घेऊन येतो. काहीलोक आवळ्याचे खूप वेगवेगळे पदार्थ बनवतात. अनेकांना याचे फायदे माहितच नाहीत. तुम्हाला होणाऱ्या काही गंभीर आजारांवर हे एक खूप फायदेशीर मानलं जातं. पुढे आपण याचा वापर कोणकोणत्या आजारांसाठी करु शकतो हे जाणून घेणार आहोत.

प्रसिद्ध गॅस्ट्रोएन्टेरोलॉजिस्ट डॉ. शुभम वात्स्य यांनी एका व्हिडीओच्या माध्यमातून पुढील महत्वाची माहिती आणि काही सल्ले दिले आहेत. आवळ्याला एक सुपरफूड म्हणतात. आवळ्यामध्ये असलेले नैसर्गिक अँटीऑक्सिडंट्स आणि भरपूर प्रमाणातील व्हिटॅमिन C शरीराच्या संपुर्ण आरोग्यासाठी खूप फायदेशीर ठरतात. विशेषतः हार्टच्या रुग्णांसाठी आवळा महत्त्वाची भूमिका बजावतो. तो LDL म्हणजेच वाईट कोलेस्ट्रॉलचे ऑक्सिडेशन कमी करतो, त्यामुळे रक्तवाहिन्या निरोगी राहतात.

आवळा पचनसंस्थेसाठीही खूप फायदेशीर असतो. याने आतड्यांचा त्रास कमी होतो आणि पित्ताचा प्रवाह सुधारतो. त्यामुळे अ‍ॅसिडिटी, पोटात जडपणा आणि मंद पचनासारख्या तक्रारी कमी होण्यास मदत होते. तसेच आवळा कार्बोहायड्रेट्सचं शोषण कमी करतो. त्याने जेवणानंतर अचानक वाढणारी साखर कमी होते आणि रक्तातील साखरेचे नियंत्रण होतं.

तसेच आवळ्यातील व्हिटॅमिन C कोलेजनचं संतुलन राखतं. त्यामुळे हिवाळ्यात होणारा त्वचेचा कोरडेपणा, सांधेदुखी, केसांची कमजोरी यासारख्या समस्या कमी होतात. आवळा बऱ्याचदा आपण दुर्लक्षित करतो, पण तो रोगप्रतिकारक शक्ती, हृदय, पचन, रक्तातील साखर आणि त्वचेचे आरोग्य सुधारण्यासाठी खूप फायदेशीर मानला जातो. रोज एक ते दोन आवळे खाल्ल्याने तुम्हाला १ ते २ दिवसात शरीरात चांगले बदल जाणवायला लागतील.

टीप : हा लेख केवळ माहितीच्या उद्देशाने आहे. कोणताही वैद्यकीय सल्ला घेण्यापूर्वी तज्ज्ञ डॉक्टरांचा सल्ला घ्यावा.