दिल्ली : एअरटेलची मोबाईल आणि ब्रॉडबँड इंटरनेट सेवा (Airtel broadband and mobile service) आज (शुक्रवार) ठप्प झाल्याने ग्राहक कमालीचे वैतागले आहेत. नेटीझन्सनी तर एअरटेलचा सकाळपासून ट्विटरवर चांगलाच समाचार घेतला. त्यामुळेच बहुदा #Airtel Down हा हॅशटॅग ट्रेंड झाला असावा. बहुदा नव्हं तर नेटीझन्सच्या रागाची (टिवटिवची) दखल घेत एअरटेलने ट्विट करुन दिलगिरी व्यक्त केली आहे. (airtel latest news in marathi)

आज सकाळपासून एअरटेलची सेवा विस्कळीत झाल्याने अनेकांना त्याचा त्रास झाला. त्यातून नेटीझन्सनी मिम्सच्या (memes) माध्यमातून एअरटेलची ब्रॉडबँड (broadband) सेवा आणि मोबाईल (mobile) सेवा याबद्दल भावना व्यक्त केल्या. काहींनी मजेदार व्हिडिआे तर काहींनी छायाचित्र पाेस्ट करुन कंपनीला जागं करण्याचा प्रयत्न केला. (airtel latest marathi news)

अवघ्या काही क्षणात ट्विटरवर एअरटेल ट्रेंड झाले. नव्हे ट्राेल हाेऊ लागलं. मग काय कंपनीचे प्रतिनिधी एकेका तक्रारीची दखल घेत उत्तर देऊ लागले. तुमची समस्या निराकरणासाठी टीमला हायलाइट केलं आहे असं उत्तर देऊ लागली. यावर नेटीझन्स थांबतील असं कंपनीला वाटलं पण तसं झाले नाही.

अखेरीस एअरटेलने मागितली क्षमा.

एअरटेलने ट्विट करीत इंटरनेट सेवा तात्पुरत्या स्वरुपात खंडीत झाल्याने ग्राहकांची झालेल्या गैरसोयीबद्दल दिलगीर आहोत असं नमूद करुन. सेवा सुरु असल्याचं म्हटलं.

एअरटेलनं दिलगिरी व्यक्त केल्यानंतर देखील अनेक ग्राहकांना नेटवर्कच्या अडचणींना सामाेरे जावं लागले. त्यामुळे आज दुपार पर्यंत नेटीझन्सची एअरटेल विराेधातील टिवटिव काही केल्या बंद झाली नव्हती.

Edited By : Siddharth Latkar