हिंदू धर्मात रविवार हा दिवस ग्रहांच्या अधिपती सूर्यदेवाला अर्पण केलेला मानला जातो. या दिवशी व्रत पाळून, सूर्यदेवाची पूजा करून आणि दान केल्यास अत्यंत शुभ फल प्राप्त होतं असं मानण्यात येतं.

ज्योतिषशास्त्रानुसार सूर्यदेवाची कृपा मिळाल्यास जीवनात सुख, समृद्धी, आरोग्य आणि मान-सन्मान वाढतो. रविवारी पूजा करण्याबरोबरच काही खास उपाय केल्यास जीवनातील अडचणी दूर होतात आणि भाग्य उजळते. चला तर मग जाणून घेऊया हे सोपे उपाय

सूर्यदेवाला अर्घ्य द्या

रविवारी सकाळी स्नान केल्यानंतर तांब्याच्या लोट्यात पाणी, लाल फुलं आणि तांदूळ टाकून सूर्यदेवाला अर्घ्य द्यावं. अर्घ्य देताना ‘ॐ सूर्याय नमः’ हा मंत्र जपल्यास सूर्यदेव प्रसन्न होतात आणि त्यांची कृपा लाभते.

लाल चंदनाचा तिलक लावा

रविवारी घराबाहेर पडण्यापूर्वी कपाळावर लाल चंदनाचा तिलक लावावा. यामुळे तुम्ही करत असलेल्या प्रत्येक कार्यात यश मिळतं आणि आत्मविश्वास वाढतो. या दिवशी लाल रंगाचे कपडे परिधान करणे देखील शुभ मानले गेले आहे.

मुख्य दरवाजाजवळ दिवा लावा

रविवारी घराच्या मुख्य दरवाज्याच्या दोन्ही बाजूंना देशी तुपाचा दिवा लावल्यास सूर्यदेव आणि लक्ष्मीमातेची कृपा प्राप्त होण्यास मदत होते. यामुळे घरात धन-धान्याची वाढ होते आणि वातावरणात सकारात्मक ऊर्जा निर्माण होते.

दान करा

सूर्यदेवाला प्रसन्न करण्यासाठी रविवारी गूळ, दूध, तांदूळ किंवा लाल रंगाचे कपडे दान करावेत. असं केल्याने अडलेली कामं पूर्ण होतात आणि तुमच्यासाठी सगळे नशीबाचे दरवाजा उघडतात.

पिंपळाखाली दिवा लावा

रविवारी संध्याकाळी पिंपळाच्या झाडाखाली तेलाचा चौमुखी दिवा लावा. या उपायामुळे घरात सुख-समृद्धी नांदते, तणाव दूर होतो आणि मान-सन्मान वाढतो.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)