प्रत्येकाच्या शरीरावर तीळ असतात. काहींच्या हातावर, बोटावर, पायावर, मानेवर अगदी डोळ्यात सुद्धा तीळ असतो. ज्योतिशास्त्रात तिळाला प्रचंड स्थान आहे. तसेच सामुद्रिक शास्त्रातही शरीरावर तीळ असणे शुभ लक्षण आहे. पण तुम्हाला माहितीये का? शरीराच्या काही भांगावर तीळ असेल तर तुम्ही लकी असता. त्याचा तुमच्याशरीरावर काय परिणाम होतो हे जाणून घ्यायचे असेल तर पुढील माहिती लगेचच वाचा.

सामुद्रिक शास्त्रात तीळाला प्राचीन काळापासून मोठे महत्त्व आहे. या शास्त्रात शरीराची रचना, बनावट तसेच शरीरावर असलेले तीळ व खुणा यांचा अर्थ सांगितला जातो. या तीळांवरून व्यक्तीचा स्वभाव, भाग्य आणि आयुष्याबद्दल बरेच काही कळते, असे मानले जाते. सामुद्रिक शास्त्रानुसार काही तिळ शुभत्वाचे प्रतीक मानले जातात. पुढे आपण त्याबद्दल जाणून घेणार आहोत.

१ छातीच्या मध्यभागी तीळ असणे.

छातीच्या मध्यभागी तीळ असल्यास व्यक्ती भाग्यवान असतो. त्याला कधीही धनाची कमतरता भासत नाही व लक्ष्मीची कृपा त्याच्यावर असते.

२ उजव्या हाताच्या तळहातावर तीळ असणे.

ज्या व्यक्तींच्या उजव्या हाताच्या तळहातावर तीळ असतो. त्या व्यक्तींना आयुष्यात सतत धनलाभ होत राहतो, अशी मान्यता आहे. मेहनती लोकांच्या हातावर हा तिळ आढळतो. अशा व्यक्तींची आर्थिक स्थिती नेहमी चांगली राहते.

३ भुवयांच्या मधोमध तीळ असणे.

भुवयांच्या मध्ये तीळ असणे हेही अतिशय शुभ मानले जाते. अशा व्यक्तींना जीवनात मोठे यश मिळतं तसेच समाजात आदर व मानही प्राप्त होतो. या तिळामुळे व्यक्तीला आयुष्यात अपार यश, प्रतिष्ठा व सन्मान मिळतो.

४ नाकावर तीळ असणे.

नाकावर तिळ असल्यास तो सौभाग्य आणि यशाचे चिन्ह मानला जातो. वैवाहिक दृष्टीने हा व्यक्ती सुखी असतो.

५ माथ्याच्या उजव्या बाजूस तीळ असणे.

माथ्याच्या उजव्या बाजूला तिळ असणे हे धन आणि समृद्धीचे लक्षण मानले जाते. हा तिळ आर्थिक स्थैर्य व सतत पैशाची आवक यांचे लक्षण मानला जातो.