Aadhar Card Loan : सध्या सोशल मीडियावर दररोज काहींना काहीतरी व्हायरल होत असते. असाच एक मेसेज सध्या सोशल मीडियावर वेगाने व्हायरल होत आहे ज्यामध्ये केंद्र सरकारने देशातील सर्व आधार कार्डधारकांना 4 लाख 78 हजार रुपयांचे कर्ज देत असल्याचा दावा केला जात आहे. नेमके काय प्रकरण आहे हे समजून घेऊया

काय आहे व्हायरल मेसेज

आधार कार्डधारकांबाबत सोशल मीडियावर एक मेसेज व्हायरल (Viral) होत आहे, ज्यामध्ये केंद्र सरकार (Government) आधार कार्डद्वारे कर्ज देत असल्याचा दावा करण्यात आला आहे. मेसेजसोबत एक लिंक दिली जात आहे, ज्यावर जाऊन तुम्ही अर्ज करू शकता.

हा दावा पूर्णपणे खोटा आहे

केंद्र सरकारकडून आधार कार्ड धारकाला ४ लाख ७८ हजार रुपये मिळाल्याची बातमी सोशल मीडियावर व्हायरल झाल्यावर पीआयबी फॅक्ट चेक टीमने या बातमीची चौकशी केली आणि त्यातील खरे कारण शोधून काढले. तपासात फॅक्ट चेक टीमला आधारवरून कर्ज म्हणून 4 लाख 78 हजार रुपये मिळाल्याची बातमी पूर्णपणे खोटी असल्याचे आढळून आले. टीमने आपल्या अधिकृत ट्विटर हँडलवर संदेश शेअर केला आणि लिहिले की, हा दावा पूर्णपणे खोटा आहे.

असे मेसेज फॉरवर्ड करु नका

पीआयबी फॅक्ट चेकच्या टीमने आधार कार्ड धारकाला 4 लाख 78 हजार रुपयांच्या कर्जाचा मेसेज इतरांना शेअर न करण्यास सांगितले आहे आणि ते हटवण्याचा सल्लाही दिला आहे. तुमची वैयक्तिक माहिती आणि बँक तपशील कुणासोबतही शेअर करू नका असे टीमने सुचवले आहे.