वृत्तसंस्था: गुरुवारी उत्तर प्रदेशबरोरबच ५ राज्यामधील निवडणुकांचे निकाल जाहीर झाले आहेत. निवडणूक निकालाच्या दुसऱ्या दिवशी शुक्रवारी देशात पेट्रोलियम कंपन्यांकडून इंधनाचे नवे (Petrol- Diesel Rates) दर जाहीर करण्यात आले आहेत. आज देखील पेट्रोल, डिझेलच्या दरात कोणताही बदल करण्यात आला नाही. पेट्रोल कंपन्यांनी जाहीर केलेल्या नव्या दरानुसार देशात आज देखील इंधनाचे (fuel) दर स्थिर आहेत. त्यामध्ये कोणाताही बदल करण्यात आला नाही.

हे देखील पहा-

विधानसभा निवडणूक (Assembly elections) होताच पेट्रोल, डिझेलच्या दरामध्ये वाढ होणार आहे, असा अंदाज बांधण्यात येत होता. मात्र, आज देखील इंधनाचे दर स्थिर ठेवण्यात आले आहेत. ४ नोव्हेंबर २०२१ दिवशी पेट्रोल, डिझेलवर टॅक्स कमी करण्यात आल्याने पेट्रोल प्रति लिटर ५ रुपये तर डिझेल १० रुपयांनी स्वस्त झाले होते. त्यानंतर इंधनाच्या किमतीमध्ये कोणताही बदल करण्यात आला नाही.

ओसीएलकडून मिळालेल्या माहितीनुसार आज राजधानी दिल्लीत पेट्रोलचा दर प्रती लिटर ९५.४१ रुपये तर डिझेलचा दर प्रति लिटर ८६.६७ रुपये एवढा आहे. मुंबईत पेट्रोल आणि डिझेलचा दर अनुक्रमे १०९.९८ व ९४.१४ रुपये एवढा आहे. कोलकातामध्ये १ लिटर पेट्रोलसाठी १०४.६७ रुपये आणि डिझेलसाठी ८९.७९ रुपये आकारले जात आहेत. तर चेन्नईमध्ये १ लिटर पेट्रोलचा दर १०१.४० रुपये तर डिझेलचा दर ९१.४३ रुपये एवढा आहे.

Edited By- Digambar Jadhav