विद्यानंद बापट चर्चेत
पुण्यातील सामाजिक कार्यकर्ते विद्यानंद बापट सध्या त्यांच्या रोखठोक आणि प्रगल्भ मराठी भाषेतील वक्तव्यांमुळे सोशल मीडियावर चर्चेत आले आहेत.
शुद्ध मराठीची सोशल मीडियावर चर्चा
बापट यांच्या बोलण्यातील संस्कृतप्रचुर आणि भारदस्त मराठीमुळे त्यांच्या मुलाखतीतील काही भाग सोशल मीडिया प्लॅटफॉर्मवर मोठ्या प्रमाणात व्हायरल होत आहेत.
‘घटं भिन्द्यात्...’ वाक्य व्हायरल
त्यांच्या वक्तव्यामधील “घटं भिन्द्यात् पटं छिन्द्यात् कुर्याद् गर्दभरोहणम्। येन केन प्रकारेण प्रसिद्धः पुरुषो भवेत्” हे संस्कृत वाक्य विशेष चर्चेचा विषय ठरले आहे.
मीम्स आणि रील्सचा धुमाकूळ
त्यांच्या बोलण्याच्या शैलीवर सोशल मीडिया यूजर्सकडून विविध मीम्स आणि रील्स तयार केले जात आहेत. त्यामुळे बापट यांचे वक्तव्य अधिक व्हायरल झाले आहे.
‘शाब्दिक गुन्हेगार’ अशी चर्चा
काही नेटिझन्सनी त्यांच्या अवघड आणि संस्कृतप्रचुर भाषाशैलीवर विनोदी प्रतिक्रिया देत त्यांना ‘शाब्दिक गुन्हेगार’ अशी उपाधी दिली आहे.
डीजे आणि ध्वनी प्रदूषणाविरोधात भूमिका
गणेशोत्सवादरम्यान होणारा डीजेचा आवाज, ढोल-ताशांचा सराव आणि वाढत्या ध्वनी प्रदूषणाविरोधात बापट यांनी ठाम भूमिका मांडली आहे.
रोखठोक वक्तव्यांमुळे लक्ष वेधले
सामाजिक प्रश्नांवर स्पष्टपणे मत मांडण्यासोबतच त्यांच्या वेगळ्या भाषाशैलीमुळे ते सध्या सोशल मीडिया आणि नेटकऱ्यांच्या चर्चेचा केंद्रबिंदू ठरले आहेत.