अभिनेता नागा चैतन्य आणि अभिनेत्री शोभिता धुलिपाला यांचा साखरपुडा झाला आहे.

नाग चैतन्यचे वडील आणि अभिनेते नागार्जुन यांनी साखरपुड्याचे फोटो सोशल मीडियावर शेअर केले आहेत.

नागा चैतन्यचे हे दुसरं लग्न असून त्याचा २०२१ मध्ये अभिनेत्री समंथा रुथ प्रभूसोबत घटस्फोट झाला.

घटस्फोटाच्या काही दिवसांतच नागा चैतन्यने शोभिताला डेट करण्यास सुरूवात केली.

नागा चैतन्य आणि शोभिताच्या रिलेशनची चर्चा २०२२ पासून सुरू झाली. दोघांचीही पहिली भेट २०२२ मध्ये हैदराबादमध्ये झाली.

शोभिताच्या हैदराबादमधील 'मेजर' चित्रपटाच्या कार्यक्रमासाठी नागा चैतन्यही उपस्थित होता. त्यावेळी अभिनेत्याने शोभिताचा वाढदिवस मित्रमंडळींसोबत सेलिब्रेट केला होता.

त्यावेळी त्यांच्यातील मैत्री खूपच घट्ट झाली होती. त्यानंतर त्यांनी एकमेकांना डेट करायला सुरूवात केली होती.

नागा आणि शोभिता परदेशात अनेक ठिकाणी एकत्र स्पॉट झाले होते. पण त्यांनी केव्हाच आपल्या प्रेमाची जाहीर कबुली दिली नाही.

२०२२ पासून नागा चैतन्य आणि शोभिता एकमेकांना डेट करत असल्याच्या चर्चा आता खऱ्या ठरल्या आहेत.

मिडिया रिपोर्टनुसार, नागा चैतन्य आणि शोभिता २०२४ मध्येच लग्नगाठ बांधणार आहेत.