कूपर एस हॅचबॅक मॉडेल

मिनी इंडियाने नव्या गाड्यांच्या किमती जाहीर करताना मोठा बदल केला आहे. कूपर एस हॅचबॅक मॉडेल तब्बल ३ लाख रुपयांनी स्वस्त झाले असून, मात्र कंट्रीमन ई इलेक्ट्रिक एसयूव्हीच्या किमती पूर्ववत ठेवण्यात आल्या आहेत.

बेस-स्पेक एसेंशियल ट्रिमची किंमत

नवीन दरांनुसार, बेस-स्पेक एसेंशियल ट्रिमची किंमत ४६.२० लाखांवरून घटून ४३.७० लाखांवर आली आहे. ज्यामुळे खरेदीदारांना तब्बल २.५ लाख रुपयांची थेट बचत होणार आहे.

क्लासिक ट्रिम किंमत

क्लासिक ट्रिमवर तब्बल २.७५ लाख रुपयांची घट झाली असून, या कारची किंमत ५१.९५ लाखांवरून कमी होऊन आता फक्त ४९.२० लाखांवर आली आहे.

फेव्हर्ड आणि जॉन कूपर वर्क्स ट्रिम

फेव्हर्ड आणि जॉन कूपर वर्क्स ट्रिमच्या किमतींमध्ये प्रत्येकी ३ लाख रुपयांची घट झाली आहे. आता फेव्हर्ड ट्रिम ५२ लाखांमध्ये, तर जॉन कूपर वर्क्स ५४.५० लाखांमध्ये उपलब्ध आहे.

मिनी कार्स किफायतशीर दरांत उपलब्ध

जीएसटी दर कमी झाल्याचा लाभ कंपनीने थेट ग्राहकांना देण्याचे ठरवले असून, त्यामुळे मिनी कार्स आता अधिक किफायतशीर दरांत उपलब्ध होतील.

मॉडेल्सच्या किमतींमध्येही सुधारणा

या निर्णयामुळे भारतीय ऑटोमोबाईल बाजारात मिनीचे स्थान अधिक बळकट होण्याची शक्यता आहे. लवकरच कंपनी इतर मॉडेल्सच्या किमतींमध्येही सुधारणा करू शकते, अशी अपेक्षा आहे.