अभिजित खांडकेकरला मराठी मालिकाविश्वातील चॉकलेट बॉय म्हणून ओळखले जाते. अभिजित खांडकेकरची बायको सुखदादेखील अभिनेत्री आहे.

माझिया प्रियाला प्रीत कळेना या मालिकेच्या काळात सुखदा अन् अभिजितची ओळख झाली.या मालिकेत अभिजित काम करत असताना सुखदाने त्याला फेसबुकवर मेसेज केला होता.

सुखदा आणि अभिजित दोघेही नाशिककर आहेत. सुखदाच्या या मेसेजने त्यांच्यात मैत्री झाली. त्यानंतर मैत्रीचे रुपांतर प्रेमात झाले.

एक दिवस अभिजितने सुखदाला प्रपोज केले. परंतु सुखदाने होकार देण्यासाठी वेळ घेतला.

त्यानंतर सुखदाने होकार दिला. त्यांनी काही महिन्यातच साखरपुडा उरकला. २०१३ साली त्यांनी लग्नगाठ बांधली.