स्वरा भास्कर ही इंडस्ट्रीतील स्टार अभिनेत्री आहे. स्वरा भास्कर अशा कुटुंबातून आहे ज्यांच्या अभिनय क्षेत्राशी दूर दूरपर्यंत संबंध नाही. तिने चित्रपटांमध्ये साकारलेल्या प्रत्येक पात्रात स्वतःला सिद्ध केले आहे. बॉलिवूडमधील तिच्या 14 वर्षांच्या कारकिर्दीत, स्वरा अनेक हिट चित्रपटांचा भाग झाली आहे. स्वराने तिच्या स्पष्टवक्तेपणाने अनेकांची बोलती बंद केली आहे. तर अनेकदा तिला टीकेचा सामना करावा लागला आहे.

14 वर्षांच्या कारकिर्दीत स्वराने 14 चित्रपटांमध्ये काम केले असून जवळपास तिचे 9 चित्रपट फ्लॉप झाले आहेत. असे असले तरी स्वरा करोडोंच्या संपत्तीची मालकीण आहे.

9 एप्रिल 1988 रोजी दिल्लीत जन्मलेली स्वरा भास्कर लष्करी कुटुंबातील आहे. तिचे वडील भारतीय नौदलाचे अधिकारी आहेत आणि आई जेएनयूच्या प्राध्यापक आहेत. अभिनेत्री सुरुवातीपासूनच लक्झरी जीवन जगत आहे.

स्वराने तिच्या करिअरची सुरुवात छोट्या पडद्यापासून केली आणि हळूहळू ती चित्रपटांकडे वळली. स्वरा आज सुमारे 50 लाख डॉलर्स म्हणजेच 40 कोटी रुपयांच्या मालमत्तेची मालकीण आहे.

तिच्या कमाईचे मुख्य साधन म्हणजे अभिनय. स्वरा एका चित्रपटासाठी 4 ते 5 कोटी रुपये मानधन घेते. पण, याशिवाय स्वरा ब्रँड एंडोर्समेंट, सोशल मीडियावरूनही भरपूर कमाई करते.

दिल्ली आणि मुंबई या दोन्ही ठिकाणी स्वराची कोट्यवधींची घरे आहेत. अलीकडे, ती मुंबईतील तिच्या आलिशान थ्री बीएचके फ्लॅटच्या इंटिरियरमुळे देखील चर्चेत होती. स्वराचे नुकतेच समाजवादी पार्टीचे नेते फाहद अहमदशी लग्न झाले आहे.