देवगुरु बृहस्पती यांना ज्ञान, शिक्षण, धन, धर्म, अध्यात्म, विवाह यांचं कारक मानलं गेलं आहे. गुरु ग्रहाच्या स्थितीमध्ये जरासा जरी बदल झाला तर स्थितीत बदल झाल्यास सर्व राशींवर त्याचा परिणाम दिसून येतो. मे २०२५ मध्ये गुरु मिथुन राशीत प्रवेश करून अतिचारी गतीने चालू लागलाय. पुढील ८ वर्षे ते या गतीनेच चालणार आहे. त्यामुळे ते एका राशीत पूर्ण वर्ष न राहता काही महिन्यांसाठी दुसऱ्या राशीतही गोचर करणार आहेत.

नव्या वर्षी २०२६ मध्ये गुरु मिथुनसोबत कर्क आणि सिंह राशीतही गोचर करणार आहे. या काळात गुरु शुक्रासोबत युती करून गजलक्ष्मी राजयोग तयार करणार आहे. हा योग अत्यंत शक्तिशाली मानण्यात येतो. यावेळी काही राशींना अपार यश, धनवृद्धी आणि माता लक्ष्मीची विशेष कृपा मिळवून देऊ शकणार आहे.

ज्योतिषशास्त्रानुसार, वैभवाचे दाता शुक्र १४ मे २०२६ रोजी सकाळी १०:५८ वाजता मिथुन राशीत प्रवेश करतील. याठिकाणी आधीपासूनच गुरु विराजमान असल्यामुळे गजलक्ष्मी राजयोग तयार होईल. हा योग २ जूनपर्यंत मिथुन राशीत राहील. त्यानंतर गुरु कर्क राशीत प्रवेश करतील आणि ८ जूनला शुक्रही कर्क राशीत पोहोचतील. त्यामुळे पुन्हा गजलक्ष्मी राजयोग तयार होणार आहे.

वृश्चिक राशी (Scorpio)

या राशीच्या अष्टम आणि नवम भावात गजलक्ष्मी राजयोग तयार होणार आहे. यावेळी दीर्घकाळापासून अडकलेली कामं पूर्ण होणार आहेत. यावेळी मेहनतीचं फळ मिळेल, उत्पन्न वाढेल आणि भविष्यासाठी धनसंचय करता येणार आहे. शिक्षण क्षेत्रात लाभ होईल, स्पर्धा परीक्षा किंवा उच्च शिक्षणात यश मिळेल.

मेष राशी (Aries)

मेष राशीच्या कुंडलीत गजलक्ष्मी राजयोग तिसऱ्या आणि चौथ्या भावात तयार होणार आहे. त्यामुळे दीर्घकाळापासून अडकलेली कामं पूर्ण होऊ शकणार आहेत. कुटुंबासोबत आनंदी वेळ घालवता येणार आहे. गुरुची सप्तम दृष्टि कर्म आणि भाग्य भावावर पडत असल्यामुळे करिअरमध्ये प्रगती, पदोन्नती आणि सन्मान मिळेल.

तूळ राशी (Libra)

तूळ राशीच्या कुंडलीत नवम आणि दशम भावात गुरु-शुक्राची युती होणार आहे. त्यामुळे गजलक्ष्मी राजयोग या राशीसाठी अत्यंत शुभ ठरेल. करिअरमध्ये मोठा लाभ होईल, पद-प्रतिष्ठा वाढेल. या काळात तुम्हाला नवीन संधी मिळतील. अविवाहितांना विवाह प्रस्ताव मिळू शकतो.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)