वैदिक ज्योतिष्य शास्त्रानुसार, उद्या म्हणजेच १८ सप्टेंबर रोजी भाद्रपद पौर्णिमा आहे. यापूर्वी उपवास ठेवण्यात येतो. याशिवाय १८ सप्टेंबर रोजी चंद्र ग्रहण लागणार आहे. हे यंदाच्या वर्षीचं शेवटचं चंद्र ग्रहण असणार आहे. पृथ्वी आणि चंद्र यांच्यामध्ये सूर्याच्या उपस्थितीमुळे चंद्रग्रहण लागणार आहे.

राहू-केतूचा प्रभाव

या चंद्र ग्रहणावेळी पृथ्वीवर राहू तसंच केतूचा प्रभाव वाढतो. दरम्यान ज्योतिष्य शास्त्रामध्ये ग्रहण काळात कोणतंही शुभ कार्य करण्यास मनाई असते. जर या नियमांकजडे दुर्लक्ष केल्यास व्यक्तीला अडचणींचा सामना करावा लागू शकतो. या चंद्र ग्रहणादरम्यान कोणत्या गोष्टी करणं टाळलं पाहिजेत ते पाहूयात.

कधी लागणार आहे चंद्र ग्रहण?

ज्योतिष्य शास्त्रानुसार, यंदाच्या वर्षीचं दुसरं चंद्रग्रहण १८ सप्टेंबर रोजी लाणार आहे. भारतीय वेळेनुसार, चंद्र ग्रंहण सकाळी ६ वाजू १२ मिनिटांनी लागणार आहे. तर १० वाजून १७ मिनिटांनी हे समाप्त होणार आहे.

भारतात दिसणार का चंद्रग्रहण?

यंदाचं चंद्रग्रहण भारतात दिसणार नाही. त्यामुळे चंद्र ग्रहणासंदर्भात कोणतंही सूतक पाळण्याची गरज नसल्याचं तज्ज्ञांचं मत आहे.

चंद्र ग्रहणादरम्यान काय करू नये?

• असं म्हटलं जातं, चंद्रग्रहणाच्या काळात देवी-देवतांच्या मूर्तींची पूजा किंवा स्पर्श करू नये. याशिवाय ग्रहणकाळात देवाच्या मूर्तीला स्पर्श करू नये. या काळात देवतांच्या नावाचा मंत्र जप करावा.

• ज्योतिषांच्या मते, चंद्रग्रहणाच्या वेळी पृथ्वीवर राहूचा प्रभाव वाढणार आहे. त्यामुळे या वेळी घरी चूल पेटवू नये.

• तसंच शास्त्रानुसार, या वेळी अन्न खाण्यासही मनाई आहे. त्यामुळे ग्रहण काळात कोणतीही गोष्ट खाणं टाळावं. मात्र मुले आणि गर्भवती महिलांना खाण्याची परवानगी आहे.

• ग्रहणाच्या वेळी झोपणं वर्ज्य मानलं जातं. त्यामुळे चंद्र ग्रहणावेळी झोपू नये.

• तज्ज्ञांच्या म्हणण्यानुसार, चंद्र ग्रहणावेळी धारधार शस्त्रांचा वापर करणं टाळावं.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)