कर्मफल दाता शनि नवग्रहांमध्ये सर्वात कठोर पण न्यायप्रिय ग्रह मानला जातो. शनि आपल्या स्वभावानुसार प्रत्येक जातकाला त्याच्या कर्मांप्रमाणे फळ देतो. त्यामुळे शनीच्या चालीत होणारा कोणताही बदल प्रत्येक राशींवर परिणाम करतो. अडीच वर्ष शनिदेव गुरुच्या राशीत म्हणजेच मीन राशीत आहेत. हा संयोग स्वतःमध्ये दुर्मिळ आणि अत्यंत प्रभावशाली मानला जातो.

शनि जून 2027 पर्यंत मीन राशीत भ्रमण करणार आहे. या संपूर्ण काळात शनीच्या चालीत वेळोवेळी बदल होत राहणार आहेत. आता 28 नोव्हेंबर 2025 रोजी सकाळी 9:20 वाजता शनि मीन राशीत मार्गी होणार आहेत. यामुळे काही राशींना चांगल्या संधी मिळू शकणार आहेत. यामध्ये कोणत्या राशींचा समावेश आहे ते पाहूयात.

मकर रास (Capricorn Zodiac)

मकर राशीच्या जातकांसाठी शनि मार्गी होणं अत्यंत शुभ ठरू शकणार आहे. शनि तुमच्या राशीपासून तृतीय भावात सरळ चालणार आहे. यामुळे जीवनात आनंदाचे आगमन, अडकलेल्या कामांत प्रगती आणि उत्साह वाढेल. महत्त्वाच्या कामांत केलेली मेहनत आता फळ देईल.

मीन रास (Pisces Zodiac)

मीन राशीच्या कुंडलीतील लग्नभावात शनि मार्गी होणार आहे. या राशीत साडेसातीचा पहिला टप्पा सुरू आहे. शनि मार्गी झाल्याने काही क्षेत्रांत चांगला लाभ मिळू शकणार आहे. करिअरमध्ये अडकलेली कामे वेगाने पूर्ण होऊ शकतात. शनि मार्गी झाल्यानंतर उत्पन्न सुधारण्याची शक्यता आहे.

कर्क रास (Cancer Zodiac)

कर्क राशीच्या कुंडलीत शनि नवम भावात विराजमान असून त्याचठिकाणी मार्गी होणार आहे. आता शनि मार्गी झाल्यावर कर्क राशीच्या जातकांना पुन्हा प्रगती, स्थैर्य आणि यशाचा मार्ग दिसेल. तुम्ही घेतलेल्या निर्णयामध्ये यश मिळण्याची शक्यता वाढेल. विवाहयोग्य जातकांसाठी अडथळे दूर होणार आहेत.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत.