वैदिक ज्योतिष्य शास्त्रानुसार, एका ठराविक काळानंतर ग्रह त्यांच्या राशीमध्ये बदल करतात. यावेळी ग्रहांच्या गोचरमुळे एकाच राशीमध्ये दोन ग्रह एकाच वेळी येतात. त्यावेळी ग्रहांची युती निर्माण होते. दोन ग्रहांच्या या युतीचा परिणाम मानवी जीवनावर होताना दिसतो.

अशीच एक युती सध्या कन्या राशीत झाली आहे. शास्त्रानुसार, सूर्य देवाने 16 सप्टेंबर रोजी कन्या राशीत प्रवेश केला आहे. यावेळी कन्या राशीमध्ये केतू आधीपासून उपस्थित आहे. अशा स्थितीत सूर्य आणि केतूची युती निर्माण झाली आहे. सूर्य आणि केतूच्या संयोगाने काही राशींच्या व्यक्तींना लाभ होणार आहे. जाणून घेऊया यामध्ये कोणत्या राशीचा समावेश आहे.

कन्या रास

केतू आणि सूर्याचा संयोग कन्या राशीच्या लोकांसाठी फायदेशीर ठरणार आहे. या काळात तुमचा आत्मविश्वास वाढू शकणार आहे. शारीरिक आणि मानसिक तणावातून आराम मिळू शकतो. सर्वांशी तुमचं नातं अधिक घट्ट होणार आहे. विवाहित लोकांचं जीवन सुंदर असणार आहे.

मकर रास

केतू आणि सूर्य युती तुमच्यासाठी अनुकूल ठरू शकणार आहे. या काळात तुम्ही भाग्यवान ठरू शकणार आहात. तसंच या काळात तुम्ही नोकरी किंवा व्यवसायासाठी प्रवास करू शकता. कर्जापासून मुक्ती मिळेल आणि उत्पन्नाचे नवे स्रोत उघडतील. तुम्ही कोणत्याही धार्मिक किंवा शुभ कार्यक्रमात सहभागी होऊ शकता. प्रेमविवाह होण्याचीही शक्यता आहे.

वृश्चिक रास

केतू आणि सूर्याचा संयोग तुमच्यासाठी फायदेशीर ठरू शकणार आहे. या काळात तुमचे उत्पन्न प्रचंड वाढू शकणार आहे. तुम्ही भविष्याबाबत काही मोठे निर्णय घेऊ शकता. तुम्हाला गुंतवणुकीचा फायदा होणार आहे. व्यवसाय करणाऱ्यांसाठी हा काळ अनुकूल ठरू शकतो. तुमची प्रलंबित कामे पूर्ण होऊ शकतात.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)