आजचे पंचांग

रविवार,७ सप्टेंबर २०२५,भाद्रपद शुक्लपक्ष,खग्रास चंद्रग्रहण,प्रोष्ठपदी पौर्णिमा.

तिथी-पौर्णिमा २३|३९

रास- कुंभ

नक्षत्र-शततारा

योग-सुकर्मा

करण-विष्टीकरण

दिनविशेष-ग्रहणदिन

मेष - रेंगाळली, रखडलेली कामे आहेत त्यातून लाभही होईल. महत्त्वाचे पत्रव्यवहार पार पडतील. प्रियजनांचा सहवास सुद्धा लाभेल.

वृषभ - तुमचे कार्यक्षेत्र वाढते राहणार आहे. एकूणच मान ,प्रतिष्ठा यामध्ये भर पडेल. समाजकारण आणि राजकारणामध्ये पुढाकार घेऊन कामे कराल.

मिथुन- दैनंदिन कामे मार्गी लागणार आहेत. उत्साह आणि उमेद वाढती राहील. अध्यात्मिक प्रगती, लांबचे प्रवास, उपासना या दृष्टीने दिवस आजचा चांगला आहे

कर्क - कोणाचेही सहकार्याची आज अपेक्षा नकोच. वाहने मात्र जपून चालवावीत. असा दक्षतेचा इशारा आज आपल्या राशीला आहे. काळजी घ्यावी.

सिंह - वैवाहिक जीवनामध्ये सुसंवाद साधाल. भागीदारी व्यवसायामध्ये सुयश लाभणार आहे. जे कराल त्यामध्ये यश मिळण्याचा आजचा दिवस आहे.

कन्या - उगाचच उठाठेवी आज नकोत. वेळ आणि पैसा वाया जाण्याची शक्यता आहे. काही जणांचा कल आज मनोरंजनाकडे राहणार आहे. नोकरीमध्ये प्रगती होईल.

तूळ - संततीचे प्रश्न मार्गी लागणार आहेत. काही जणांचे वैचारिक परिवर्तन होईल. देवी उपासना आज आपल्याला फलदायी ठरेल. गुंतवणुकीसाठी दिवस छान.आवकजावकीसाठी शेअर्समध्ये गुंतवणूक करावी.

वृश्चिक - प्रॉपर्टी आणि गुंतवणुकीचे प्रस्ताव येतील. राहत्या जागेचे प्रश्नही मार्गी लागतील. सुखाच्या नव्या पाऊलवाटा तयार होतील. वाहन सौख्य उत्तम आहे.

धनु - काही काम धाडसाने आज पार पाडाल. द्विधा मनस्थिती मात्र टाळावी. नोकरीमध्ये समाधानकारक गती राहील. भावंड सौख्य उत्तम आहे.

मकर - व्यवसाय मध्ये वाढ होईल. कौटुंबिक जीवनामध्ये सुसंवाद साधण्याचा आजचा दिवस आहे. दिवस व्यस्त राहील.

कुंभ - काही आरोग्याच्या जुन्या तक्रारी असतील तर आज त्या कमी होतील. मानसिक स्वास्थ आणि समाधान यांनी भारलेला आजचा दिवस आहे. नव्याने संकल्प हाती घ्याल.

मीन - कामाचा ताण आणि दगदग काही जणांना जाणवेल.खर्चाचे प्रमाण सुद्धा वाढते राहील." अंथरूण बघून पाय पसरावे" असा काहीसा आजचा दिवस आहे.