सामुद्रिक शास्त्रात अनामिका बोटाला वेगळं महत्त्व देण्यात आलंय. अनामिका बोट हे रहस्य आणि श्रद्धेने व्यापलेली आहे. सामुद्रिक शास्त्र, ज्योतिष, योग आणि विज्ञान या सर्वांमध्ये या बोटाच्या महत्त्वाचे वेगवेगळे अर्थ लावले जातात. या बोटाला "सूर्य बोट" असे म्हटलं जाते. अनामिका बोट एखाद्या व्यक्तीचे प्रेम, आत्मविश्वास, सर्जनशीलता आणि सामाजिक ओळखीचे संकेत देणारे असते. लांब, लहान, वाकड्या अनामिका बोटाचे काय संकेत आहेत, त्याचा हृदयाशी काय संबंध आहे आणि या बोटाचे इतर रहस्य काय आहेत? हे जाणून घेऊ.

अनामिका नावाचा अर्थ

संस्कृतमध्ये, अनामिका म्हणजे "नावाशिवाय" किंवा नाव नसलेला. प्राचीन मान्यतेनुसार हे बोट इतकी पवित्र मानली जाते. या बोटाला कोणत्याही सामान्य नावाशी जोडली जात नाही. म्हणूनच या बोटाचे नाव अनामिका पडले आहे. हिंदू धर्मात अनामिका बोटाला केवळ हाताचा एक भाग मानली जात नाही, तर ती व्यक्तिमत्त्व आणि जीवनाचे संकेत देणारं मानले जाते.

रोमन आणि इजिप्शियन संस्कृतींमध्ये अनामिका बोटातील एक रक्तवाहिनी थेट हृदयाकडे जाते. याला व्हेना अमोरिस असे म्हटलं जातं. या श्रद्धेमुळे या बोटात साखरपुडा आणि लग्नाच्या अंगठ्या घालण्याची परंपरा निर्माण झाली, याला "अनामिका" म्हणून ओळखली जाऊ लागली. आजही जगभरात या बोटाला प्रेम आणि भक्तीचे प्रतीक मानले जाते.

तर्जनीपेक्षा अनामिका बोट मोठे असले तर

हस्तरेषाशास्त्रात सूर्य पर्वत अनामिका बोटाच्या खाली स्थित आहे. हे पर्वत प्रसिद्धी, सन्मान, कला आणि आत्मविश्वास दर्शवते. ज्या लोकांचे अनामिका बोट तर्जनीपेक्षा लांब असते त्या लोकांमध्ये जोखीम घेण्याचे धाडस, सर्जनशील विचार आणि नेतृत्व क्षमता जास्त असते असे मानले जाते. असे लोक कला, माध्यम, फॅशन किंवा व्यवसायात प्रगती करत असतात.

मध्यम आकाराची अनामिका बोट संतुलित आणि व्यावहारिक व्यक्तिमत्व दर्शवते. लहान अनामिका बोट समाधानी स्वभाव आणि मर्यादित महत्त्वाकांक्षा दर्शवत असते. टोकदार अनामिका संगीत, लेखन आणि चित्रकला यासारख्या क्षेत्रांशी संबंध दर्शवत असते. चौकोनी टोक कलांद्वारे संपत्ती आणि ओळख दर्शवते.

योगामध्ये अनामिका बोट हे ऊर्जा संतुलनाशी संबंधित आहे. पूजेदरम्यान या बोटाने तिलक लावला जातो. असे मानले जाते की ते मानसिक एकाग्रता वाढवते आणि सौर घटक सक्रिय करते. या बोटाचे अनेक आध्यात्मिक पद्धतींचे कार्य केली जातात.

विज्ञान काय म्हणते?

वैज्ञानिकदृष्ट्या पाच बोटांपैकी अनामिका ही स्वतंत्रपणे हालचाल करणे सर्वात कठीण असते. त्याच्या नसा आणि स्नायू इतर बोटांपेक्षा जास्त जोडलेले असतात. हे सर्वात मऊ बोट मानले जात असते म्हणून डॉक्टर डोळ्यांभोवती क्रीम लावण्यासाठी या बोटाचा वापर करण्याचे सांगत असतात.

दोष आणि पारंपारिक उपाय

जर अनामिका वाकडी असेल किंवा त्यावर तीळ असेल तर ते सूर्याशी संबंधित कमकुवतपणा मानली जाते. पारंपारिकपणे दररोज सकाळी सूर्याला जल अर्पण करण्याचा सल्ला दिला जातो.